[Tetova-L] Kompania austriake "EVN AG" bleu EEM-Distribuimi për 225 milionë euro

[neim.rustemi at orklabrands.no]

Kompania austriake "EVN AG" bleu EEM-Distribuimi për 225 milionë euro
Shkup, 09:35
Kompania austriake "EVN AG" do të jetë pronari i ri i EEM-Distribuimi për 
225 milionë euro, lajmëroi mbrëmë kryeministri i Maqedonisë Vllado 
Buçkovski, duke shtuar se detajet tjera të marrëveshjes sot do t'i 
njoftojë shpalosë ministri i Ekonomisë, Fatmir Besimi.

Kryeministri mbrëmë lajmëroi se kompania "EVN" ka ofruar 96 milonë euro 
investime gjatë tre viteve të ardhshme, dhe se bëhet fjalë për çmimin më 
të madh të fituar sipas numërimit në rajon, sipas krahasimeve që i ka 
pasur Qeveria. Kompania austriake "EVN AG" zotohet se gjatë vitit të parë 
do të investojë 35.5 milionë euro, gjatë vitit të dytë 31.5 milionë euro, 
si dhe gjatë vitit të tretë do të investojë 29 milionë euro. 

Kompania e dytë e plasuar është ajo çeke "ÇEZ", me ofertë prej 181 milionë 
euro dhe investime prej 62 milionë eurove, ndërsa e treta, kompania 
italiane "ENEL" me ofertë prej 40 milonë euro dhe investime prej 80 
milionë eurove.

Marrëveshjën për shitjen e EEM-Distribuimi, Qeveria vendosi ta mbajë në 
fshehtësi, duke u arsyetuar, duke u arsyetur se për shpalljen e saj nuk 
dakordohen blerësit.

Komisioni antikorruptues dje refuzoi të shqyrtojë marrëveshjen, meqë ishte 
i kushtëzuar nga ana e Qeverisë me kërkesë për ta mbajtur në fshehtësi.

Opozita, ekspertët dhe qytetarët janë kundër shitjes së ndërmarrjes më të 
madhe në vend, duke përmendur një varg arsyesh lidhur me këtë, ndërsa 
ekspertët në vend, përveç atyre të Qeverisë, janë të një mendimi se 
procesi i shitjes është jotransparent. /Makfaks/

-------------- next part --------------
HTML attachment scrubbed and removed