[Tetova-L] Internet në 460 shkolla në Maqedoni

[neim.rustemi at orklabrands.no]

Internet në 460 shkolla në Maqedoni

Shkup, 13:00

Projekti për llaboratori kompjuterike në 460 shkolla fillore dhe të mesme
në Maqedoni sot edhe zyrtarisht është promovuar në solemnitetin e rastit në
Shkup.

Në promovimin në QSHAK "Boro Petrushevski" në Shkup, mbajtën fjalim
ministri i Arsimit Aziz Pollozhani, drejtori i USAID-it për Maqedoninë Dik
Golldman, ndërsa videofjalim mbajti edhe ambasadorja amerikane në Shkup
Xhilijan Millovanoviq.
Projekti është promovuar me vendosjen e videolidhjes ndërmjet tri shkollave
të Maqedonisë dhe një shkolle amerikane. Me këtë projekt, 460 shkolla
fillore dhe të mesme, si dhe 50 institucione të ndërlidhura me arsimin
fituan llaboratori kompjuterike dhe qasje falas në internet.
Në realizimin e projektit për pajisje me kompjuterë dhe qasje në internet
në 460 shkolla fillore dhe të mesme morën pjesë Agjencia Amerikane për
Zhvillim Ndërkombëtar - USAID, Qeveria e Maqedonisë, Qeveria e Republikës
Popullore të Kinës, si dhe disa kompani private nga SHBA-të dhe Maqedonia.