[Tetova-L] Katër maturantë të Gjimnazit të Tetovës janë lënduar sot rëndë gjatë aksidentit rrugor në afërsi të Tetovës.

[neim.rustemi at orklabrands.no]

Lëndohen rëndë katër maturantë

Tetovë, 13:40

Katër maturantë të Gjimnazit të Tetovës janë lënduar sot rëndë gjatë
aksidentit rrugor në afërsi të Tetovës.



Gjatë fatkeqësisë që ndodhi sot në mëngjes rreth orës 6 e 30 minuta në
rrugën rajonale Jazhincë- Tetovë, në afërsi të fshatit Sllatinë, një
gjimnaziste është lënduar më lehtë.
Të gjithë pesë personat e lënduar janë maturantë në gjimnazin e Tetovës
"Kirill Pejçinoviq", ku sot në mëngjes me vetuar po shkonin në mësim.
Me automobilin "Golf-2" të drejtuar nga Arbenita Ziberi (18), e cila për
arsye të panjohura deri tani ka humbur kontrollin mbi automjetin me ç`rast
ka qëlluar në një shtresë mbrojtëse prej dheut pranë rrugës.
Si pasojë e goditjes më rëndë është lënduar edhe Shemsie Zulbeari (18) nga
Nerashti, e cila bashkë me Arbenita Ziberin është transferuar në klinikat
në Shkup.
Për shërim në Tetovë janë mbajtur gjimnazistët më rëndë të lënduar Elvedin
Bajaziti dhe Resmie Ismaili nga Dobroshti. Nga i njëjti vend është edhe
Ikmete Shabani e cila është lënduar më lehtë.
Ekspertizë në vendin e fatkeqësisë ka kryer ekipi i SPB-së Tetovë.