[Tetova-L] Ymer Ymeri u takua me ambasadorin e OSBE-së në Maqedoni

[neim.rustemi at idun.no]

 Ymer Ymeri u takua me ambasadorin e OSBE-së në Maqedoni                   
                                                                           
 Tetovë, 23 mars (Kosovapress) - "OSBE-ja do të angazhohet në mënyrë të    
 vazhdueshme për zbatimin e misionit që ka , në funksion të bashkëpunimit  
 me Maqedoninë dhe zhvillimin e proceseve demokratike në vend"- e siguroi  
 ambasasdori i OSBE-së në Maqedoni, Karlo Ungaro, kryetarin e Partisë për  
 Prosperitet Demokratik, Ymer Ymerin, në takimin që zhvilluan sot në zyrat 
 e kësaj partie. Me këtë rast Ymer Ymeri çmoi lartë kontributin e misionit 
 të OSBE-së, si dhe parashtroi gjerësisht përcaktimet e Partisë së vetë    
 për rrjedhat aktuale në vend dhe rajon, si dhe për domosdoshmërinë e      
 ndryshimeve kushtetuese, për shkak të kufizimeve që paraqesin normat      
 aktuale për zhvillimin e demokracisë.Vëmendje të veçantë i kushtoi        
 çështjes së arsimit sipëror, respektivisht institucionalizimit të UT-së   
 si dhe korrigjimin e pakove të ligjeve zgjedhore në mënyrë që të pengohet 
 keqpërdorimi i vullnetit të lirë të qytetarëve.(M.V.)