[Shkupi-L] Organizim per Kosoven

[Associazione Albanese EGNATIA]

Përshëndetje të gjithëve.

Pikë së pari urojmë të kemi mbështetjen dhe ndihmën tuaj.

Ne jemi një shoqatë studentore në Itali (EGNATIA) e në një farë mënyre
dëshirojmë të ndihmojmë sadopak njohjen e Kosovës në këtë vend duke u zgjuar
qoftë dhe një simpati ambjenteve ku studiojmë e jetojmë përditë tashmë.

Dëshirojmë të organizojmë një ditë dedikuar Kosovës, pa marrë përmasa
gjigante, ndoshta dhe thjesht brenda ambientit që frekuentojmë,
universitetit. E ndihma që kërkojmë prej jush është të mbledhim materiale që
t'i përdorim si informacion për atë ditë po dhe në vazhdimësi me shpërndarje
materiali informativ.

Nuk e kemi menduar as formatin se si do të organizohet kjo ditë apo këto
informacione, ndaj do t'ju kërkonim që të na ndihmonit të mblidhnim sa më
shumë materiale (shkrime, fotografi, audio e vizive) për të pasur një
panoramë sa më të gjerë rreth Kosovës. Gjithë këto materiale do t'i vendosim
në një hapësirë dedikuar në faqet e Shoqatës tonë (www.egnatia.org) e
gjithashtu her pas here do t'i shpërndajmë  në qytet (duke shpresuar që dhe
shoqata të tjera të bashkohen me nismën tonë ose të na japin eksperiencën e
tyre për një paraqitje sa më dinjitoze të vendit tonë.

Ju lutemi të na ndihmoni nëse e ndjeni se kjo nismë është një rrugë për të
ndihmuar vëllezërit tanë kosovarë. Materialet mund të kenë të bëjnë me
historinë, shtrirjen gjeografike, aktualitetin, poezi, ese, etj. Do të
mundohemi që shumicën e tyre t'i përkthejmë në gjuhën italiane duke pasur
përkrah dhe atë shqip.

Për çdo zhvillim rreth kësaj, do të ishimi më se të lumtur t'i ndanim me ju
në vazhdim e sipër.

Ju faleminderit për vëmendjen.

P.S: Do t'ju luteshim që t'ia përcillni këtë mail gjithë atyre që mund të
jenë të interesuar (kontakti e-mail është info at egnatia.org)
 *SHOQATA STUDENTORE EGNATIA*
-------------- next part --------------
HTML attachment scrubbed and removed