[Prishtina-l] Gazette / Gazeta Kulturserver Kosova - Nr. 10 (fwd)

[Etrit Bardhi]

---------- Forwarded message ----------
Date: Sun, 12 Dec 1999 15:00:03 +0100
From: Nol Shala <nol at KULTURSERVER.DE>

Shqip: Gazette / Gazeta Kulturserver Kosova - Nr. 10


- Pa dyshim një ngjarje më e madhe kulturore në këtë vit ishte festivali i
këngës "Kosovarja këndon" i cili u mbajt në Ferizaj me 2, 3 dhe 4 Dhjetor.
Drejtoresha e festivalit Sadije Hoxha-Çarkaxhiu, e cila ishte fituesja e
parë e festivalit në vitin 1972, e mbajti fjalën e rastit kupari mirënjohi
publikun kosovar për durimin të cilin e tregoj për shtyrje të shumta të
festivalit. Udhëheqës artistik i festivalit ishte kompozitori i njohur
kosovar Prof. Fahri Beqiri. Festivali tuboj 46 pjesëmarrës të këngës në
përcjellje të orkestrit "Kastriotët". Mysafirë nderi të festivalit qenë
këngëtarja e njohur nga Shqipëria Ema Çazimi si dhe ylli dhe merita e parë e
këngës në Kosovë këngtarja Nexhmije Pagarusha. Shpërblimi i parë i jurisë iu
dhurua solistës Adriana Bytyqi, i dyti Adelina Thaçit, i treti Lindita
Hakaj. Veterane më e sukseshme u shpall Selvete Trstena, ndërsa debytane më
e sukseshme Fazile Syla. Shpërblimin tradicional të "Rilindjes" e muarën
dueti Luljeta Gashi dhe Violeta Elshani nga Suhareka.

- Në Podujevë teatri i qytetit prezentoj për nxënësit e gjimnazit "A.
Xhuvani" shfaqjen "Ëndërrat, femrat dhe ndihma" të udhëhequr nga regjisori
Agim Podvorica. Tematika e shfaqjes pasqyron segmentet e realitetit të sotëm
kosovar. Rrolet kryesore i luajtën R. Oraça, B. Fazliu, S. Kopalla, V. Bala,
T. Beka.

- Këtyre ditëve doli nga shtypi numri i parë i revistës "Demokracia" të
cilën e boton forumi gjakovar për iniciativë demokratike, një asociacion
joçeveritar. Revista 38 faqëshe ofron lexuesve tema interesante në lëmi të
ndryshme, posaçarisht nga politika dhe kultura. Kryeredaktor i revistës
është zgjedhur Bashkim Rrahmani.

- Në qendrën e kulturës në Mitrovicë u mbajt koncerti i muzikës serioze i
udhëhequr nga kompozitori dhe dirigjenti i njohur kosovar Rauf Dhomi.
Solistja Alisa Baraku në përcjellje në piano të Lule Elezit interpretoi ndër
tjera veprën "Kopshti i dashurisë" të Rauf Dhomit, "Arien e Lulës" të
Giacomo Puccini, "Arien e Violetës" të Giuseppe Verdi dhe vepra të tjera.
Koncertin e madhështoi paraqitja e grupit të valltarëve të shkollës së
vallëzimit të Jeton Vorfit.

- Në teatrin e qytetit të Gjakovës janë duke u bërë përgatitjet e dramës
"Katër epoletat" të shkruar nga Haqif Mulliqi. Regjinë e veprës
dramaturgjike e bënë regjisori gjerman Holger Zilber, i cili ka ardhë
vullnetarisht në Kosovë për të ndihmuar në rikëmbjen e kulturës kosovare.
Ardhja e tij paraqet risi në veprimtarin e teatrit të qytetit të Gjakovës.
Për realizimin e kësaj shfaqje regjisori angazhoj aktorët: Hadi Shehu,
Mervete Kurteshi, Hysen Binaku, Ramazan Brkani dhe të tjerët. Premiera e
shfaqjes pritet të jipet brenda javës se ardhshme.

- Gazeta e përditshme "Rilindja" njofton se qendra enciklopedike e
Shqipërisë kërkon bashkpunëtor shkencor nga Akademia e Shkencave dhe të
Artit të Kosovës dhe nga Univerziteti i Tetovës për hartimin e verzionit të
ri të fjalorit të sotëm të gjuhës shqipe. Botimi i fundit i "Fjalorit të
shqipës së sotme" rrjedh nga viti 1985 dhe nevojitet në shumë aspekte
gjuhësore të zgjerohet dhe të pasurohet.

Për gazetën e Kulturserver Kosova raporton Beqë Mulliqi nga Prishtina


******************************************************
* the online-community for art+culture http://www.kulturserver.de *
******************************************************