[NYC-L] NYC-L digest, Vol 1 #73 - 1 msg -Reply

[Besnik Pula]

Visar dhe te tjere,

nuk po du me tjerre kete ceshtje hala, vec mendoj se eshte shume me rendesi
per neve si komunitet dhe si individe me i menjanue ato qendrime qe na bejne
te heqim dore nga cfaredo perpjekje per te ndryshuar ato qe mendojme se jane
gabim, qe na crespektojne, fyejne apo na demtojne.

Sic e ceki edhe Isa edhe une ne mesazhin tim te meparshem, problemi nuk
eshte vetem te sjellja e Divacit apo e ndonje serbi tjeter ne NBA, por se ne
nuk kemi asnje mekanizem institucional (ne Amerike dhe gjetiu) per t'iu
kundervene gjerave te tilla, per te protestuar. Mediat perendimore neve
gjithnje e me shume na cilesojne kolektivisht si terroriste, kriminele,
mafioze, tregtare drogash e prostitucioni, e ne nuk kemi asnje mekanizem per
t'iu kundervene ketyre perfytyrimeve. E kjo miq te dashur, ne fund ka edhe
pasoja politike. Prandaj ky eshte nje "problem i madh" dhe jo dicka karshi
se ciles mund te qendrojme indiferent.

Eshte e vertete se Amerika eshte demokraci dhe te gjithe kane te drejte me e
shprehe mendimin e vet, por njekeshtu edhe ata qe nuk e pelqejne mendimin e
shprehur kane te drejte proteste. Megjithate, ne kete rast duhet me pase
parasysh se NBA eshte ndermarrje private dhe aty nuk vlen amandamenti i pare
i kushtetutes amerikane ku lojtaret mund te deklarohen ashtu sic u teket per
ceshtje te ndryshme. Gjithcka qe ndodh ne fushen e lojes eshte pergjegjesi e
institucionit privat te NBA-se, prandaj edhe sjellja e Divacit, nese nuk
ndalohet nga NBA-ja, mund te kuptohet si dicka qe mbeshtetet nga ajo. Jo qe
NBA-ja ka mbeshtetur politiken e Milosheviqit, por nese asaj nuk i behet me
dije se cfare domethenie politike kane tre gishterinjet e Divacit, nese nuk
i behet nje presion i fuqishem (jo vetem ndonje reagim individual) per ta
ndaluar dhe denuar kete sjellje, ajo do te vazhdoje te jete indiferente ndaj
kesaj, ndersa shikuesit shqiptare, boshnjake, kroate e tjere qe ishin
viktime e politikes vrastare, do te vazhdojne te jene te fyer.

Besniku