[Info-tech] PTK-ja riparon linjat telefonike

[besnik.grajqevci at bt.com]

Sipas RTV21
Në 4-5 muajt e ardhshëm pritet që të aktivizohen të gjitha linjat telefonike
të cilat tash për tash nuk po funksionojnë, thanë sot zyrtartët e Post
Telekomit të Kosovës. "Puna e filluar muaj më parë për aktivizimin e numrave
telefonik të cilët fillojnë me numrat 5, 3 dhe 2 është në zhvillim e sipër
dhe aktualisht po punohet intensivisht", tha Hazbi Devisholli drejtor i
Shërbimit teknik në Post Telekomin e Kosovës, i cituar nga RTV21. Fillimisht
është duke u punuar në disa pjesë të qytetit ku mundësitë për të riparuar
kabllot e prishura janë më të mëdha. Arsyen pse nuk kanë filluar së
funksionuari numrat telefonik, para Vitit të Ri siç ishte premtuar nga
zyrtarët e PostTelekomit të Kosovës, Dervisholli e shpjegon me problemet në
të cilat kanë hasur. Megjithatë ai shpreson se gjatë 4-5 muajve të ardhshëm
do të përfundojnë të gjitha punët në terren. Sipas tij, PostTelekomi i
Kosovës po punon edhe për zgjerimin e rrjetit telefonik në disa fshtara të
rajonit të Prishtinës. 





> Besnik Grajqevci
>