[Info-tech] G12- një grup profesional i AAK-së

[Agron S. Dida]

Tungjatjeta të gjithëve,

Në këtë mënyrë do të dëshiroja të ju njohtojë se në kuadër te Kolegjiumit
Profesional (KP) të AAK-së (Aleanca për Ardhmërinë e Kosovës) është formuar
edhe grupi G12 - Grupi profesional për "Zhvillimin e Teknologjisë
Informative", dhe unë jamë caktuar tash për tash për koordinator të këtij
grupi.

KP i AAK-së është një grup profesionistësh (me mbi 100 anëtarë aktiv) me një
spektër të gjerë interesimesh profesionale, që ka dhënë vehtes detyrë që të
japë mendime, këshilla, të punojë projekte, të marrë qëndrime të bazuara në
të vërtetën shkencore për çështje aktuale me interes të nivelit kombëtar. Më
hollësisht për strukturën e KP-së, qëllimet dhe mënyrën e funksionimit të
tij, mund të gjeni në Statutin e saj, dokument që do të ju dërgoj menjëherë
pasi ta shprehni interesin për këtë dhe të ma dërgoni një biografi të
shkurtër.

Në takimin e parë punues të koordinatorëve të grupeve profesionale (janë 14
grupe) që u mbajt më 21/6/2001, u vendos që për takimin e ardhshëm të
koordinatorëve, që do të mbahet më 29 qershor në ora 1600, të prezentohet:
1. Lista e anëtarëve që kanë shprehur gatishmërinë të punojnë në kuadër të
secilit grup profesional, 2. Programi i punës i secilit grup, si dhe 3.
Propozimi për emërtim të resorit të ministrisë përkatëse nga lëmi i
interesimit të Grupit përkatës profesional.

Nëse keni dëshirë të inkuadroheni në këtë grup, unë do të ju dërgojë edhe
propozimin për tezat fillestare për përpilimin e planit të punës së grupit
G12.

Gjithësesi se ky grup do të mund të diskutonte edhe për çështje të tjera që
në mënyrë të tërthortë kanë të bëjnë me lëmin e teknologjisë informative -
si p.sh. reforma universitare, çëshjet e ekonomisë, të privatizimit etj.
Megjithatë, përqëndrimi i grupit G12 do të jetë rreth problemeve zhvillimore
të teknologjisë informative, telekomunikacionit, menaxhimit të resurseve
frekuencore, internetit, intranetit, etj.

Mendoj se kjo mund të bëhet një forum i mirë për diskutime profesionale
rreth temave me rëndësi për të ardhmen e Kosovës. Rezultatet e projekteve që
do ti punojë ky grup profesional, do të duhej të ishin të një niveli të
tillë shkencor që të mund të jenë të dobishme për të gjithë ata individë dhe
institucione, e posasçërisht për institucionet shtetërore të Kosovës që do
të definohen pas zgjedhjeve në nivel kombëtar në Kosovë në fund të këtij
viti. Për ta arritur këtë është i domosdoshëm angazhimi i ekspertëve
enthuziast që do të angazhoheshin në këtë aktivitet me të vetmin qëllim që
të japin kontributin e vetë profesional për zgjidhjen e problemeve dhe
disenjimin e ardhmërisë së Kosovës dhe të Kombit Shqiptar në përgjithësi.

Ky angazhim i juaji do të jetë kryekëput profesional. Nuk kërkohet nga ju të
jeni anëtarë të AAK-së, për më tepër, ju mund të simpatizoni apo të jeni
anëtarë të ndonjë partie tjetër politike, apo thjeshtë, të mos jeni fare të
deklaruar politikisht. Kjo është vetëm një mundësi më tepër që të shprehni
opinionin tuaj profesional dhe të jepni kontributin tuaj profesional për të
mirën e Kosovës, për të mirën e Shqipërisë, të kombit Shqiptar në rend të
parë si dhe për të mirën dhe prosperitetin e përgjithshëm.

Duke pritur se do të na bashkoheni me angazhimin tuaj në punët e grupit G12,
ju përshëndes sinqerisht.

Agron S. Dida
Anëtar i Asamblesë Komunale të Prishtinës - AAK