[info-tech] Tenderi per centralet dixhitale i Telekomit Shqiptar

[Xhemil Meco]

              **** Information Technology Forum ****


Albtelekom: Brenda korrikut hapet tenderi për centralet dixhitale 
TIRANE, 3 Korrik/ATSH, M.Pupa/ - "Brenda muajit korrik, Albtelekomi do të
hape tenderi ndërkombëtar për centralet dixhitale për rrethet Berat,
Pogradec, Lezhë, Sarandë etj, me një
vlerë prej 6 milionë USD", bëri të ditur për ATSH-në, drejtori i
përgjithshëm i Albtelekomit, Dhimitraq Rafti. Gjithashtu, brenda këtij
muaji do të hapet dhe tenderi për Internetin dhe
sistemin e faturimit, ku tashmë çdo abonent do të dijë nëpërmjet telefonit
të tij me kë ka biseduar dhe sa ka folur. Ky informacion do t'i
bashkangjitet faturës së pagesës. Brenda një kohe 1
javore Albtelekomi ka nënshkruar dy marrëveshje të rëndësishme, me SIEMENS
me një vlerë prej 1,5 milion USD,e cila do të ndryshojë kapacitetin e
centralit si dhe me Alcatel, është
nënshkruar kontrata prej 3 milionë USD. Kjo kontratë bazohet në rritjen e
numrit të abonentëve në rreth 35 mijë dhe duhet të mbyllet brenda '99-të.
/LED/ 

-------

Ne Shqiperi flitet shume per tendera, por te them te drejten une nuk i
kuptoj mire keta tenderat. A mund te sqaroje dikush se c'jane? Dhe ne
rastin konkret, a e di ndokush se cili eshte qellimi i ketij tenderi dhe
pse duhet nje tender per te blere disa centrale dixhitale qe normalisht
blihen shume kollaj? A nuk mund t'i bleje keta centrale Telekomi dhe t'i
instalojne inxhinieret e Telekomit Shqiptar, pa kaluar neper procedura
tenderash? 

A mund te me ndihmoje kush te kuptoj me mire?
Falemnderit.