[Info-tech] Komunikatë shtypi e PTK-së (KD)

[Dardan Blaku]

Komunikatë shtypi e PTK-së
PTK: Të anulohet vendimi për suspendimin e Agron Didës

Po ashtu, siç thuhet në kumtesë, PTK-ja kërkon që t’i jepet leja për operim
për sistemin GSM PTK-Vala 900 në Kosovë, si dhe anulimin e vendimit të
UNMIK-ut që një gjë e tillë t’i mundësohet “Mobtelit” të Serbisë

BARDH RUGOVA
PRISHTINË, 10 DHJETOR - Zyrtarët më të lartë kosovarë të PTK-së kërkuan të
premten anulimin e vendimit mbi suspendimin e drejtorit të përgjithshëm të
kësaj kompanie. z. Agron Dida.

“Vendimi me të cilin suspendohet Agron Dida nga detyra e drejtorit të
përgjithshëm të PTK-së është i papranueshëm, meqë nga i njëjti nuk shihet se
cilat janë shkaqet dhe arsyet e suspendimit të tij”, thuhet në kumtesën e
shtypit të PTK-së.
Kjo kumtesë e shtypit është lëshuar pas mbledhjes së anëtarëve të Bordit të
Postës dhe të Telekomunikacionit të Kosovës dhe të Bordit të drejtorëve të
Telekomit të Kosovës. “Sipas dispozitave të rregullores mbi punën dhe
veprimtarinë e PTK-së, nr. 12/99, të nën-shkruar nga z. Kouchner, PTK-së i
jepet licenca për kryerjen e të gjitha shërbimeve postare dhe
telekomunikuese në tërë territorin e Kosovës që nënkupton edhe telefoninë
mobile”, thuhet në kumtesë.
Po ashtu, siç thuhet në kumtesë, PTK-ja kërkon që t’i jepet leja për operim
për sistemin GSM PTK-Vala 900 në Kosovë, si dhe anulimin e vendimit të
UNMIK-ut që një gjë e tillë t’i mundësohet “Mobtelit” të Serbisë.
Njëherësh, kërkohet që të for-mohet një komision profesional ndërkombëtar
për rishqyrtimin e ofertave të paraqitura në ten-derin e PTK-së lidhur me
sis-temin mobil GSM PTK-Vala 900.

“Komisioni profesional i PTK-së, i emëruar nga Agron Dida,... i rekomandoi
Këshilli të Përbashkët Civil (JCC) si ofertë më të përshtatshme kompaninë
“Siemens”, rekomandim ky që asnjëherë nuk është shqyrtuar në mbledhjet e
JCC-së”, thuhet në kumtesën e PTK-së. “JCC-ja në mënyrë të njëanshme ka
vendosur që si fitues i tenderit të telefonisë mobile GSM PTK-Vala 900 të
jetë kompania ‘Alcatel’”.
Për shkak të refuzimit të tij për ta nënshkruar kontratën me “Alcatelin”,
UNMIK-u e ka suspenduar të mërkurën drejtorin e përgjithshëm të PTK-së,
Agron Dida. Në vend të tij është emëruar zyrtari i UNMIK-ut, Gerard Fischer.
Fischer po atë ditë, më 8 dhjetor, ka nënshkruar një vendim ku kërkohet nga
drejtori i Telekomunikacionit të Kosovës, Bedri Rama, që të bashkëpunojë për
rivendosjen e rrjetit të “Mobtelit” serb në Kosovë.
“Me dhënien e pëlqimit për operim të rrjetit mobil të kom-panisë ‘Mobtel’
nga Beogradi, Republika e Serbisë, për territorin e Kosovës, janë shkelur
dispozitat e Rezolutës së Këshillit të Sigurimit të OKB-së nr. 1244”, thuhet
në kumtesën e PTK-së. “Duke ia mundësuar operimin e rrjetit mobil kompanisë
‘Mobtel’, është thyer blokada ekonomiko-financiare ndaj Republikës së
Serbisë”.
Kumtesën e shtypit e kanë nënshkruar anëtarët e Bordit të PTK-së dhe nëntë
drejtorët e njësive të Telekomit të Kosovës.

__________________________________________
NetZero - Defenders of the Free World
Get your FREE Internet Access and Email at
http://www.netzero.net/download/index.html