[Gjakova-L] Gjakova shpalle pavaresine prej Pejes

[Etrit Bardhi]

Qëndrimi i Këshillit komunal dhe i partive politike në Gjakovë

Gjakova të pranohet si qendër regjionale

Subjektet politike lokale kërcënohet se nëse nuk bëhet kjo, këta do të
ndërprejnë bashkëpunimin me UNMIK-un

MUSA KURHASKU

GJAKOVË, 17 MARS - Subjektet politike të Gjakovës kanë bërë kërkesën që
Gjakova të njihet si qendër regjionale. Në mbledhjen e të premtës të
Këshillit komunal dhe të partive politike të Gjakovës, të cilën e kryesoi
znj. Zamira Eshmambetova, administratore e UNMIK-ut për këtë komunë, e në
të cilën mori pjesë edhe mr. Mazllom Kumnova, kryetar i Bordit Ekzekutiv, u
diskutuan çështje me interes të përgjithshëm për këtë pjesë të Kosovës.

Një prej qendrimeve që i dhanë këtu ishte edhe kërkesa që Gjakova sa më
parë të bëhet qendër regjionale e jo të mbetet sikur deri më tani, nën
regjionin e Pejës. Kjo kërkesë fillimisht doli nga Partia NDSHK-së, dega në
Gjakovë, e më pastaj unanimisht u përkrah nga të gjitha partitë politike që
veprojnë në Gjakovë. Për këtë kërkesë dhe qëndrim të KK dhe partive
politike, u pronon-cua zotëri Agim Koci, nënkryetar i PNDSHK-së në Gjakovë.

³Nëse Gjakova nuk pranohet si qendër regjionale, kontaktet me KPA-në dhe me
UNMIK-un do t¹i ndërpresim², ka thënë ai. Më pastaj, potencoi se ³Gjakova
me 150 mijë banorë nuk mund të jetë një fshat i Pejës apo i Kosovës².

Ne, vazhdoi ai, ³do t¹i dërgojmë fillimisht kërkesë, e më pastaj edhe
peticion administratës së Bernard Kushnerit dhe subjekteve të tjera
ndërkombëtare të cilat veprojnë në Kosovë².

Buxhet do të ketë vetëm për 172 punëtorë të Kuvendit

Në takimin e KK dhe partive poli-tike e shqyrtua edhe çështja e të
ardhurave personale të punë-torëve të këtushëm.

Sipas vendimit 2000/04, tash e tutje punëtorët në Kuvendin komunal do të
marrin të ardhura të rregullta personale e jo si deri tash - stipendi.

Ndërsa sipas një burimi, nga 387 sa janë të punësuar në këtë Kuvend, buxhet
do të ketë vetëm për 172 punëtorë.

Në këtë mbledhje u shqyrtua edhe çështja e mbrojtjes së pyjeve dhe të
zhavorit të lumenjve, që po shfrytëzohet nga persona të papërgjegjshëm dhe
pa leje përkatëse.