[alst-l] Books on Kosova

[Lanksch at t-online.de]

Do të shtoja edhe disa tituj:

* Robert Elsie (editor): Kosovo. In the Heart of the Powder Keg. East
European Monographs, Boulder/Columbia University Press, New York 1997

Libri është një kompilacion tekstesh të ndryshme të përkthyera nga shqipja,
gjermanishtja dhe serbishtja, ndër të cilat janë p.sh. "Memorandumi" i
Cubrilovic-it, "drafti" i Ivo Andric-it, ekstrata nga librat e Edith Durham
and Leo freundlich, tërë libri i gazetarëve Christine von Kohl/Wolfgang
Libal. Vlerë të veçantë ka BIBLIOGRAFIA e pasur e veprave në gjuhët
"perëndimore" dhe në ato "ballkanase".

* Shaban Braha: Gjenocidi serbomadh dhe Qëndresa shqiptare (1844-1990).
Shtëpia botuese "Lumi-T", Gjakovë 1991.

Teksti i librit përfshin 577 faqe. Mirëpo, me zell e durim lexuesi mund të
gjejë material mjaft të dobishëm dokumentar.

* Nikë Gjeloshi: Kosova në udhëkryq '89. Humbja e subjektivitetit dhe
përpjekjet për pavarësi. Editrice "Velar", Gorle (Itali) 1997

Libri është fort i dobishëm sepse i paraqet problemet e krijimit të
"institucioneve" kushtetuese nga pikëpamja e specialistit për të drejtën
kushtetutare. Përndryshe, autori jo vetëm se është politolog por jep edhe
informata burimore sepse ka qenë i përfshirë në proceset e përpjekjeve për
pavarësimin e Kosovës, deri sa dha dorëheqjen nga posti i nënkryetarit të
"Qeverisë" në mërgim.

I rekomandueshëm është edhe një libër i natyrës eseistike:
* Blerim Shala: Thyerjet 1990-1993. ZËRI, Prishtinë 1994.

Të fala,
Hans-Joachim Lanksch



_________________________________________________________
* ALST-L at alb-net.com / Albanian Studies Discussion List *
 To contact the list owner:  ALST-L-Approval at alb-net.com