[ALBSA-Info] Kamzoret i vene kazmen shkollave

[KreshnikBejko]

> 
> Të ardhurit e rrethinave po prishin shkollat  
>             
> 	             Breglumi dhe Kamza brenda një
>                      simestri shkatërrojnë për të tretën
>                      herë shkollat   
>             
>                      Tirane- Shkatërrohen shkollat e
>                      rrethinave të Tiranës nga vetë
>                      banorët e këtyre zonave. Ministria e
>                      Arsimit si dhe drejtoria Arsimore e
>                      rrethit të Tiranës prej disa muajsh po
>                      përballen me nje situatë tepër të
>                      rrallë që është shkatërrimi i
>                      shkollave nga banorët e zonës të
>                      cilët në një përqindje tepër të lartë të
>                      tyre janë të ardhur nga zonat
>                      veri-lindore. Shqetësimi i cili për
>                      vetë specifikën e ngjarjeve nuk ka
>                      mbetur vetëm brenda drejtorisë
>                      arsimore të kryeqytetit, por ka
>                      shkuar deri në zyrat e vetë ministrisë
>                      së Arsimit Shkencës duke i
>                      preokupuar vërtetë titullarët e saj.
>                      Sipas burimeve nga kjo ministri nuk
>                      është e pazakontë për shkollat e
>                      Shqipërisë që vetë komuniteti ti
>                      shkatërrojë. Në shkollat e zonës së
>                      Bregut të Lumit dhe në atë të
>                      Bathores ndërtesat janë katandisur
>                      në rrënoja nga banorët e komunitetit.
>                      Kanë djegur banga, kanë thyer
>                      xhama dhe kanë shkatërruar mure,
>                      këto janë pasojat që kanë shoqëruar
>                      akte tepër të cuditshme të banorëve
>                      të zonave në fjalë kundrejt
>                      shkollave.
>                      Eshtë tepër i çuditshëm rasti kur
>                      prindërit dhe ata vetë që mësojnë, i
>                      vënë kazmën këtyre vendeve të
>                      shenjta. Komuniteti edhe pse e di
>                      shumë mirë që shkolla është vendi
>                      ku do të arsimohen vetë fëmijët e
>                      tyre nuk është fare i prekur nga kjo
>                      ndjesi dhe ide, por shkatërron cfarë
>                      ti dalë përpara. Shkatërrimi i
>                      shkollës është akti më i cuditshëm
>                      që kryen një grup njerëzish ndërkohë
>                      që kjo shkollë nuk i duhet askujt
>                      vecse fëmijëve të tyre. Sipas
>                      zëdhënëses së ministrisë së Arsimit
>                      dhe të Shkëncës deri tani pikërisht
>                      në këto zona, shkollat janë
>                      meremetuar disa herë dhe i janë
>                      nënshtruar riparimeve të
>                      vazhdueshme. Xhamat edhe pse
>                      janë vënë mbi tre herë brenda këtij
>                      viti shkollor, thotë zëdhënësja e
>                      ministrisë, Zonja Myrtaj, situata vijon
>                      të jetë problematike. Ndërkohë që
>                      titullarëve të ministrisë së Arsimit
>                      dhe të Shkencës nuk i mbetet asgjë
>                      tjetër, vecse ti luten këtij komuniteti
>                      që të mos shkatërrojë shkollat sepse
>                      në këto ndërtesa do të marrin dije
>                      vetë fëmijët e tyre dhe askush tjetër.
>                      Ndërkohë që po sipas burimeve nga
>                      ministria e Arsimit ky është akt
>                      tepër i rallë që nuk ka asnjë
>                      shpjegim. Me sa duket riparimi disa
>                      herë nga ana e ministrisë së Arsimit
>                      e dëmeve të shkaktuara e ka bërë
>                      komunitetit të mendoje se kjo situatë
>                      mund të vijojë e tillë. Për ta tashmë
>                      është bërë e zakonshme që mund të
>                      vjedhin objekete publike, të cilat
>                      natyrisht janë në shërbim të tyre,
>                      dhe askush nuk do të thoë gjë, dhe
>                      se dikush do të dalë gjithnjë ti
>                      riparojë duke krijuar në këtë mënyrë
>                      mundësinë për tiu sulur përsëri
>                      objekteve.
>                      Gjithsesi tani ministria e Arsimit nuk
>                      ka më mundësi të ndërhyjë pasi nuk
>                      është hera e parë që ndodh, por
>                      mbetet si rrugëzgjidhje vetë edukimi
>                      i banorëve dhe ndërhyrja e forcave
>                      të rendit.
> 
> --QAA10506.947896698/kruncher.ptloma.edu--
> 
>