[ALBSA-Info] Per qendren e Tiranes - Korrieri

[Agron Alibali]

Qendra e Tiranes, dinjiteti i shqiptareve
Perpara disa ditesh, studiuesi Ardian Klosi, nepermjet
nje shkrimi te gjate ne faqet e gazetes "Shekulli",
terhiqte vemendjen e cdo qytetari te Tiranes per
pretendimin e padrejte te kryesive te dy feve me te
medha ne Shqiperi, per ngritjen ne mes te qytetit te
nje xhamie te madhe dhe te nje kishe madheshtore.
Shqetesimi i autorit te shkrimit, ishte i drejte,
qytetar, kulturor dhe kombetar. Pas leximit te
shkrimit ne fjale, hamendesova se mos kjo kerkese,
ishte nje deshire, por me pas ne faqet e gazetes
"Sot", lexoj se kerkesa e mesiperme, ishte aq serioze,
sa qe problemi kishte shkruar deri ne Ameriken e
madhe. Sipas burimeve te gazetes, vite me pare
perfaqesues te lobit grek ne Amerike, kishin marre
kontakt me Presidentin e atehershem Bill Klinton dhe i
kishin kerkuar ndermjetesimin e tij prane pushtetareve
te Tiranes, per te lejuar ngritjen ne mes te
kryeqytetit, prane Komitetit te Partise Socialiste, te
nje kishe madheshtore. Ma merr mendja se cilido njeri,
me sado pak ndergjegje kombetare, do te shtronte vetiu
pyetjen: "Cfare meraku i paska ngrene zoterinjte e
lobit grek ne Amerike, per te patur nje kishe ne
qendren e kryeqytetit te SHQIPETAREVE?!" Besoj se edhe
vete Presidentit Klinton, i cili, vecanerisht pas
nderhyrjes ne fatet e Kosoves, mori respektin e
perhershem te cdo shqiptari, duhet t'i kete bere
pershtypje kjo kerkese. Ne faqen e pare te gazetes ne
fjale, terheq vemendjen kryeartikulli me germa
kapitale "JANULLATOSI I ANKOHET BUSHIT!!" Nga shkrimi
del se kerkesa e bere dikur Presidentit Klinton, i
eshte drejtuar edhe Bushit.
Nuk e di se, me cfare llogjike e kerkon qendren e
kryeqytetit, kryetari grek i kishes shqiptare? Te me
fale lexuesi dhe cilido tjeter, pasi ne rrjedhen e
shkrimit, nuk do perdor titujt: shkelqesi, madheri,
lartesi e shenjteri. Ne kohen tone kur bota ka dale e
zhveshur, perpara syve te miliarda njerezve, me
ligesine, intrigen, dobesine, mashtrimin,
imoralitetin, spekulacionin....edhe miresine, nuk kane
vend titujt e mbartur nga mesjeta injorante e makaber.
Sot ka kryetar shteti, kryetare kishe, xhamie,
kryetare partie apo shoqatash, te cilet, ne qofte se
do te bejne vepra te mira per te miren e njerezimit,
do te mbeten ne kujtesen e historise dhe ne
ndergjegjjen e njerezve, te dashur e te paharrueshem.
Ne te kundert, do te harrohen gjurmet e tyre te
zeza...Njerezit si qenie, jane te gjithe njesoj, si
mbreti dhe lypesi, pasi t'u mbaroje koha e prere nga
zoti ne kete bote, do shkojne te pleherojne token. Sic
ka ndodhur edhe me miliardat qe kane shkuar perpara.
Ne kete bote nuk ka njerez te shenjte, e aq me pak te
pavdekshem. Sa here harrohet ky fakt i thjeshte, na
lindin individet tabu, qe firmosin inferioritetin e
popujve per ta mbushur boten me krime... Le t'ua leme
shenjterine Krishtit, Muhamedit, Budes, Lazarit, etj,
pavaresisht nga betejat qe kane bere ata ne jeten e
tyre, apo nga armet qe kane perdorur per te ngulitur
ne ndergjegjen e njerezve pushtetin e besimit.... 
U zgjata disi ne kete arsyetim, por kjo vjen ngaqe ne
na plasi shpirti qe ne kete jete kaq te perkohshme, na
duhet t'u puthim doren individeve qe na marrin edhe
driten e saj. Po le te kthehemi te kerkesa e zotit
Janullatos. E cuditshme dhe jashte llogjikes eshte
shkuarja e kesaj deshire deri te Presidentet e
Amerikes. Mendoni nje cast sa absurd do dukej
telefonata nga Shtepia e Bardhe: "Alo, zoti Moisiu?
Lereni te qete zotin Janullatos te ndertoje ate kishen
ku e deshiron ai!" Zot, mos ndodhshin te tilla cudira.

Perpara disa kohesh, ne nje televizion, shfaqet kreu i
kishes ortodokse ne Gjirokaster, duke bekuar nje pike
karburanti. Une nuk jam fetar, nuk besoj bekime
prifterinjsh, hoxhesh apo dervishesh, pasi nuk me le
llogjika e jetes. Ne qofte se keto bekime, do zinin
vend ne jeten e njerezimit, jo vetem do te dilte
jashte rolit shkenca mjekesore, por edhe bota nuk do
te ishte sot ne kete kategori tragjike. Une besoj se
si cdo veper e ka nje autor, edhe bota me jeten e kane
nje autorin e tyre te jashtezakonshem, te cilin
njerezimi e ka quajtur Zot.
Perderisa ai na ka sjelle ne jete si krijesen me te
kompletuar me arsyen dhe mundesine e veprimit per
transformimin e tokes djerre, bij te tij me te denje
duhet te jene ata qe e kryejne kete mision me pune, me
djerse e ndershmeri. Natyrshem, keta nuk kane nevoje
per keshillen e ndonje zyre, cfaredo emri paste ajo.
Pra, m'u duk i pakuptueshem bekimi nga ana e kreut te
larte te kishes te nje pike karburanti, aq me teper
kur keto nyje tregtie jane nga me te perfolurat per
korrupsion, nga vete kreret e politikes sone.
Gjithesesi, punet e tij i di vete zoti Janullatos,
kurse une si qytetar shqiptar, do ta uroj sinqerisht
qe se fundmi, te bente kryepunen: Pas nje ndihme te
madhe qe i ka dhene kishes shqiptare, pas shkaterrimit
nga komunizmi, te lere ne vend te tij nje prift
shqiptar dhe te largohet per ne atdheun e tij, duke
marre me vete mirenjohjen e gjithe besimtareve dhe nje
titull nderi nga presidenca e vendit. Ne te kundert,
jo vetem mbi dinjitetin e shqiptareve, do te mbetet
pikepyetja po shteruese: "A nuk gjendet ne mes te
ketij populli nje kryeprift per kishen ortodokse?" Por
edhe misioni fisnik do te vihet ne dyshim. Per hir te
se vertetes, duhet thene se zoti Janullatos, per
kerkesen e tij e ka dhe nje te drejte, nje shkak te
natyres sfiduese. Kryetari i myslymaneve Hafiz Koci,
kerkon me kembengulje ngritjen e nje xhamie
madheshtore ne lulishten prane Parlamentit shqiptar.
Pra, ne te ardhmen, kur kjo te jete ngritur, ne castin
qe hoxha do therras namazin, duke iu lutur hapesires
pa fund, deputetet aty prane, te cilet duhet te mbajne
praktikisht me debat, ne kembe ekonomine, politiken
dhe moralin e kombit, duhet te pushojne. Ështe lehte e
kuptueshme se karshilleku fetar i semure ne mes dy
feve, luan rol ne arritjen e qellimit, pa u kujtuar
kush, se kjo "gare" mund te sjelle pasoja afatgjata
negative ne harmonine tradicionale fetare te
shqiptaret. Eshte i dhimbshem fakti qe perfaqesuesit e
feve, si te afert te zotit, gjate 12 viteve qe
shqiptaret u zhyten ne nje katraure tragjike, nga
politikane sharlatane, nuk dolen njehere kompakt
perpara besimtareve t'u benin thirrje, t'u
drejtoheshin vellazerimit e jo depove te armeve. As
njeri nuk u kujtua te dilte ne mitingjet e
pergjakshme, sic dilte fisnikja Nene Tereza ne mes te
plumbave ne Liban. Kush e imitoi ate plake te paket
tek ngjitej ne pallat mbreterish e presidentesh me ato
sandalet me rripa, per te kujtuar se poshte dritareve
te lluksit te tyre marramendes shtrihej varferia
njerezore. Kreret fetare, me teper se kush, duhet ta
kuptojne se sot shqiptaret kane nevoje urgjente per
ndermarrje e institucione prodhimi ku te punesohen per
te dale nga kriza e rende ekonomike qe i ka pllakosur,
e jo per te ngritur kisha e xhami ne kater anet e
vendit, madje dhe atje ku nuk ka fare besimtare
perkates. A nuk do te ishte me e perendishme ngritja e
nje shtepie moderne femijesh jetime? Lutjet le t'i
bejme, por boten dhe jeten e zbukuron djersa. Ne qofte
se kreret fetare ne fjale, pretendojne si prone vendin
e dikurshem te kultit ne qender, ka Kushtetute dhe
ligje qe e kompensojne ate diku tjeter dhe jo atje ku
prishet bukuria dhe urbanistika e kryeqytetit. Ku
prishen dy nga lulishtet me frymedhenese per banoret e
Tiranes qe po i afrohen milioneshit. Intelektualet ne
radhe te pare, dhe gjithe qytetaret e Tiranes, duhet
te reagojne me vendosmeri per te ruajtur bukurine e
kryeqytetit tone. Zeri publik duhet t'i beje te
mendohen mire politikanet, perpara se te leshojne
premtime neper avuj festash, duke rene keshtu ne faje
te cilat kurre nuk do t'ua fale historia. 
SIRI SULEJMANI

__________________________________________________
Do you Yahoo!?
Yahoo! Tax Center - forms, calculators, tips, more
http://taxes.yahoo.com/