[ALBSA-Info] Gazeta Shqiptare

[Agron Alibali]

KOKAINA/ Avokati grek: Një milionë dollarët e gjetura në shtëpinë e Durdës 
ishin të taksave greke 



Tiranë, misioni i avokatit të Durdës 

Assimakis: Më kërkoi ndihmë nëna e Frederikut 





Suela Gera 


TIRANË 


Kam ardhur për të mbrojtur klientin tim shqiptar", shpjegoi arsyen e 
konferencës së djeshme për shtyp, më shumë se njëorëshe, avokati grek 
Philocles D. Assimakis. 


Me kërkesë të nënës së Frederik Durdës, avokati i tokës Helene, ka 
udhëtuar po dje drejt Shqipërisë, për të mbrojtur juridikisht përpara 
gazetarëve klientin e tij, të akuzuar si organizator i kartelit 
ndërkombëtar të kokainës me qendër në Kolumbi. Ligji shqiptar nuk i jep të 
drejtën Z. Assimakis të ulet në krah të Gazmend Zenelit dhe Mark 
Pëllumbit; dy avokatët që do të mbrojnë Nikolla Papa, (emri i vërtetë i 
Durdës, sipas avokatit) në Gjykatën e shkallës së parë të Tiranës. Ai mund 
të ndjekë procesin si një shikues i thjeshtë dhe të sugjerojë apo 
bashkëpunojë me kolegët shqiptarë vetëm jashtë sallës së gjyqit. Pyetjes 
së gazetarëve nëse do të ndiqte procesin gjyqësor nga salla e gjyqit, 
avokati grek i është përgjigjur: "Do të vij nëse ma kërkon nëna e Durdës". 
Z. Philocles D. Assimakis, së bashku me tre kolegë të tjerë jurist, 
vazhdojnë të ndjekin çështjen e anijes "Privilegj", bashkëpronësi e 
Frederik Durdës dhe Arben Bërballës. Që prej një viti autoritet spanjolle 
kanë bllokuar anijen luksoze në portin "La Spalmas" të Spanjës. 


Durda i pafajshëm 
Avokati grek Assimakis ka dhënë alibitë e tij të së vërtetës në lidhje me 
anijen "Privilegj" dhe 1 milionë dollarët e gjetura nga policia shqiptare 
në shtëpinë e Durdës natën e arrestimit më 2 shkurt të vitit të kaluar. 
Këto janë dhe dy provat kryesore mbi të cilat Prokuroria e Përgjithshme 
mbështet akuzën për "organizim dhe drejtim i organizatave kriminale me 
qëllim trafikimin e paligjshëm të lëndëve narkotike". Sipas prokurorisë 
anija "Privilegj" do të bënte transportimin e ngarkesës së lëndës 
narkotike e destinuar për Shqipëri. Por sipas avokatit grek, në momentin e 
sekuestrimit anija "Privilegj" nuk ka pasur asnjë ngarkesë të paligjshme. 
Në këtë moment çështja e anijes është pezulluar, por nëse Frederik Durda 
së bashku me 5 të pandehurit e tjerë të çështjes do të dënohen, atëherë 
anija "Privilegj", do sekuestrohet nga shteti. Për 1 milionë dollarët të 
cilat sipas prokurorisë ishin prejardhje e trafikut të lëndëve narkotike 
avokati i ka justifikuar si një manovrim i Frederik Durdës për t'iu 
shmangur taksave në Greqi. 








---------------------------------
Do You Yahoo!?
Send FREE Valentine eCards with Yahoo! Greetings!
-------------- next part --------------
HTML attachment scrubbed and removed