[ALBSA-Info] HAPET KISHA ORTODOKSE SHQIPTARE E SHEN ASTIT TE DURRESIT

[Fatmir Foti Cici]

KOMITETI ORTODOKS I EMIGRANTEVE SHQIPTARE NE TORONTO
Adresa postale: 71 Merton St. Ap 811, Toronto ON, M4S 3A3
Tel. 416-544-8052; e-mail: KomitetiOrtodoks at yahoo.ca



NJOFTIM: HAPET KISHA ORTODOKSE SHQIPTARE E SHEN ASTIT TE DURRESIT


Më 24 gusht 2002, e kremte e Shen Kozmait te Kolkondasit


Me bekimin e Hirësisë së Tij Peshkopit të Otavës dhe gjithë Kanadasë, Imzot Serafimit, Komiteti
Ortodoks i Emigrantëve Shqiptarë në Toronto çel Kishën Ortodokse Shqiptare të Shën Astit të
Durrësit, për t’iu shërbyer emigrantëve shqiptarë me banim në Toronto. 

Mesha Hyjnore dhe predikimi do të mbahen tërësisht në gjuhën shqipe çdo të diel, duke filluar më 1
shtator 2002, ora 4 mbasdite, datë e cila shënon fillimin e vitit liturgjik në Kishën Ortodokse.
Në pamundësi për të siguruar një kishë ortodokse, Kisha e Shën Astit do të strehohet në Danforth
Baptist Church, e cila ndodhet në lagjen ku janë ngulur shumica e emigrantëve. Komiteti po
planifikon dhe shpreson fillimin së shpejti të shkollës së katekizmës për fëmijë, të studimit të
Biblës për të rritur, dhe të korit bizantin të kishës sonë.   

Grupi yne ndodhet tashmë në fazën e organizimit të bashkësisë sonë ortodokse si famulli e rregullt
dhe është në pritje të një përgjigjeje zyrtare nga Kancelaria e Peshkopatës Shqiptare në Amerikë
(Albanian Archdiocese in America). Përfaqësia jonë shpreh kënaqësinë se Kisha e Shën Astit, e cila
është kisha e parë ortodokse shqiptare në Kanada dhe po themelohet mes shumë pengesash ekzistente
brenda kishës ortodokse shqiptare, po e nis misionin e saj qysh në fillim mbi baza të shëndosha
kanonike e kombëtare. Për më tepër kjo është kisha e parë në shërbim ekskluziv të emigrantëve në
Amerikën e Veriut. Falënderojmë Hirësinë e Tij Peshkopin e Baltimorës, imzot Nikonin (Liolin), për
interesimin mbi këtë çështje.  

Komiteti ka siguruar dhe sjelle ne Kanada mjetet e domodoshme priftërore dhe liturgjike për të
bërë të mundur mbajtjen e shërbesave. Shërbesa e priftit, e psaltit dhe e kujdo që do to
kontribojë në mbarëvajtjen e kishës është falas. Përderisa jemi në fillim të punës sonë misionare
dhe nuk kemi asnjë ndihmë nga institucionet tona kishtare, ju lutemi bashkatdhetarëve tanë, dhe
sidomos atyre ortodoksë, të kontribojne për pagesën e vendit të marrë me qira për shërbesat
(pagesa eshte $100 per cdo te diel). 

Ata që kanë dëshirë të kontribojnë në pagimin e qirasë, ose për blerjen e Biblës në gjuhën shqipe,
ju lutemi të kontaktojnë ne adresën dhe telefonin e mësipërm; Faleminderit!

Sekretar                                                            Kryetar
Fatmir Foti Cici                                               At Nikolla Kavaja


__________________________________________________
Do You Yahoo!?
Yahoo! Finance - Get real-time stock quotes
http://finance.yahoo.com