[ALBSA-Info] Komiteti Shqiptar i Helsinkit reagon

[aalibali at law.harvard.edu]

 [ SHQIPERIA ]   
   Fushata, KSHH KQZ-së: Të quhen të paligjshme ndërhyrjet e të huajve 
Lajmi i ores 5:00 PM  
 
TIRANE - Komiteti Shqiptar i Helsinkit paralajmëron kandidatët që me premtimet 
e tyre, të mos dalin jashtë kufijve të ligjit dhe i bën thirrje KQZ-së, të 
denoncojë si të paligjshme ndërhyrjen e të huajve në fushatë. Drejtuesit e 
këtij Komiteti tërheqin vëmendjen se "kandidati Arben Lika i Partisë Demokrate 
ka premtuar të bëjë kontratë me zgjedhësit për 1000 familjet më nevojtare të 
Koplikut e Bajzës, të cilave do t'i paguajë për një vit një rrogë mujore prej 
50 markash gjermane". Sipas KSHH-së, një premtim i tillë bie në kundërshtim të 
hapët me nenin 328 të Kodit Penal. Gjithashtu KSHH, duke analizuar ankimin e 
kandidatit Filip Çakuli për ndërhyrjen e të huajve në fushatë, ka kërkuar nga 
KQZ "të marrë qëndrim duke i denoncuar si të paligjshme këto ndërhyrje dhe të 
mos lejojë përsëritjen e tyre". Sipas kandidatit Çakuli, të BF-së, "konsulli 
grek në Gjirokastër, Janis Pedhjotis është vënë në krah të kandidatit të PBDNJ-
së, duke dhënë dhurata e duke bërë premtime për viza". Gjithashtu, në bazë të 
njoftimeve, Komiteti i Helsinkit kundërshton edhe veprimin e Nikolla Goxojanis, 
i cili ka folur me fshatarët e një zone elektorale, kundër kandidatit 
të "Bashkimit për Fitore". Drejtuesit e KSHH-së, nënvizojnë se "këto veprime 
bien në kundërshtim me nenin 190 pika 5 e Kodit Zgjedhor". il/ko (BalkanWeb)