[ALBSA-Info] Dita Juge - 23 qershor 2001 - editorial

[Agron Alibali]

Opinion
Ndal angazhimit grek në fushatën  elektorale
Shumë prej të dërguarve ndërkombëtarë të ardhur në Shqipëri me rastin e 
zgjedhjeve, kanë pyetur në takimet me KQZ dhe institucione të tjera, 
apo në 
konferenca shtypi se ç’do të bëhet me Himarën, dhe a do të ketë 
konflikte 
atje. Ambasadori Shtudman I ODIHR- ishte I fundit në rradhë.
Kjo është një pyetje pa kuptim ose të paktën u është adresuar personave 
të 
gabuar. Për një arësye të thjeshtë. Problemet në Himarë gjatë 
zgjedhjeve 
janë krijuar sa kohë që atje është shfaqur ambasadori grek, konsulli 
grek 
apo deputetë grekë, etj. Problemet kanë filluar sa kohë që Greqia 
angazhohet 
shtetërisht që në Himarë të vijnë e të votojnë emigrantë të përzgjedhur 
dhe 
sa kohë që Greqia emëron si komisionere në qendrat e votimit në emër të 
PBDNJ- gra që jetojnë atje prej 10 vjetësh dhe që për pasojë bëjnë 
politikën 
e Greqisë për Himarën. Po cila është kjo politikë?
Është ajo që synon me forcë të përfshijë Himarën si zonë minoriteti, 
politikë e mbështetur në dhënie pensionesh, vizash dhe lehtësirash të 
tjera 
një pjese të qytetarëve të Himarës, ku flitet greqisht. Pra ku ka 
maksimumi 
një minoritet greqisht-folës dhe jo minoritet grek. Për të 
përgënjeshtruar 
angazhimin shtetëror grek në këtë linjë të sjelluri, mjafton që të 
lexohet 
një dokument I Lidhjes së Kombeve I vitit 1935.  Në përgjigje të 
kërkesës së 
kësaj organizate, drejtuar Shqipërisë dhe Greqisë, për të sjellë një 
listë 
me emrat e vendbanimeve ku jetonin minoritetet përkatëse, në listën 
greke me 
dhjetra emra nuk figuronte Himara. Mjafton deklarimi I Petro Markos në 
librin e vet autobiografik i shkruar dhe  i botuar pas diktaturës,  ku 
deklarohet me krenari qenia shqiptar  për të përgënjeshtruar 
sharlatanët dhe 
të shiturit si nipi I  tij Stavri Marko që thotë se jam grek. Bijtë e 
Himarës, krenarë për origjinën e tyre shqiptare janë edhe mes 
arbëreshëve të 
Italisë. Ka me dhjetra shembuj të tillë.
Në këtë kuptim në Himarë do të ketë rrëmujë nëse shteti grek nëpërmjet 
emisarëve të vet do të përfshihet ashtu si është përfshirë deri më sot 
në të 
gjitha fazat e procesit elektoral.
Por rasti Himara, është I përfshirë në një fenomen më të gjerë që po 
vihet 
re  gjatë kësaj fushate elektorale dhe që ka të bëjë me grekët.
Kudo ku kandidojnë grekë etnikë të vërtetë dhe të konvertuar, në 
mënyrën më 
të paturpshme dhe arrogante, ambasadori grek Iliopulos, konsujt grekë 
të 
Tiranë, Korçës, dhe Gjirokastrës bëjnë fushatë haptas në favor të tyre. 
Ky 
është cënim I drejtpërdrejtë I sovranitetit të shtetit shqiptar, sakohë 
që 
cënohet Kodi Elektoral dhe ligje të tjera. Ofertat  e tyre të pështira 
diku 
mund të bëjnë efekt, tek hallexhinj apo njerëz pa personalitet, po 
vështirë 
se do të bëjnë efekt tek populli patriot I Kolonjës. Tek patriotët e 
Gjirokstrës, apo në zona të tjera të Shqipërisë, përfshi dhe Himarën. 
5000 
vizat e manaxherit të firmave piramidale, që I përket komunitetit 
arumun dhe 
që pretendon se është grek,  Kristo Goxhit, vizat e Jatrusë  dhe shefit 
të 
OMONIA-s, Dule në Përmet dhe Gjirokastër, dhe fushata e tyre bashkë me 
konsullin e Gjirokastrës, celularët e dhuruar, vizat e premtuara prej 
Thoma 
Miços në zonën e Delvinës dhe shoqërimi I tij me konsullin grek, e plot 
raste të tjera nuk duhen toleruar. Minimalisht duhet reaguar ndaj tyre 
me 
forcë prej autoriteteve lokale dhe qëndrore. Maksimalisht edhe forcat e 
rendit me qetësi duhet t’I kthejnë mbrapsh, pasi në mandatin e tyre 
diplomatik nuk bëjnë pjesë fushata elektorale në favor të bashkombasve 
të 
tyre të vërtetë apo të rremë. Rastet e vëna re duhen dokumentuar dhe I 
duhen 
dorëzuar institucioneve ndërkombëtare. I duhet dhënë fund koncerteve 
elektorale edhe të Dallarasit të madh në kalanë e Gjirokastrës, të 
organizuar nga konsulli grek dhe jo nga autoritetet lokale. Ishte një 
skenë 
e shëmtuar kur koncertin tij e ndiqnin në bashin e vendit diplomatët 
grekë 
dhe grekët e Shqipërisë dhe autoritetet shqiptare nuk dukeshin 
asgjëkundi.
Shqipëria në këto 10 vjetët e fundit I ka treguar madje edhe tepër 
mungesën 
e  paragjykimeve nacionaliste ndaj Greqisë. Është lejuar një 
kryepeshkop 
grek në krye të kishës autoqefale shqiptare, i cili udhëheq kryqëzatat 
ndaj 
shtëpive të kulturës sic ishte rasti i Përmetit dhe i kthen në kisha: 
është 
lejuar një kompani ushtarake greke me mandat jo të qartë dhe jashtë 
NATO-s, 
ndërsa Greqia mban gjendjen e luftës me Shqipërinë; kompanitë greke 
kontrollojnë një sektor strategjik si ai i telefonisë celulare, e plot 
koncesione të tjera. Nuk ka ngritur në pritje të një mirëkuptimi grek 
çështjen e pronave të ish shtetasve grekë me kombësi shqiptare. Mjaft 
pra me 
koncesione të tepërta një vendi që refuzon të njohë pakicat në 
territorin e 
tij dhe refuzon tryezën e Paktit të Stabilitetit për pakicat.  Nuk mund 
të 
presim leksione nga një vend si Greqia ku terrorizmi antiperëndimor 
tolerohet dhe nuk ndëshkohet: ku trafiku I klandestinëve, veçaënrisht 
atyre 
kurdë, përfshin edhe segmente shtetërore. Dakord, nuk mund të pengojmë 
dhe 
duhet të ftojmë kapitalin grek të investojë në Shqipëri, po brenda 
rregullave të shtetit shqiptar dhe jo brenda rregullave që shkruajnë 
ata 
vetë.  Mësime demokracie nuk jepen prej Iliopulosit apo Pedhiotisit, I 
cili 
dhuron viza në kohë fushatash dhe përfshihet në punët e brendshme të 
shtetit 
shqiptar. Jashtë nga Shqipëria për nacionalistin e çmendur Gaxojanis 
dhe 
kushdo tjetër si ai që përpiqet të bëjë ligjin në vendin tonë.



---------------------------------
Do You Yahoo!?
Get personalized email addresses from Yahoo! Mail - only $35 a year!
http://personal.mail.yahoo.com/
-------------- next part --------------
HTML attachment scrubbed and removed