[ALBSA-Info] Mjeku amerikan shpeton nje femije shqiptare

[Agron Alibali]

Mjeku amerikan shpëton 
5-vjeçaren nga Kuçova

BERAT

Historia e rrallë ka nisur dy vite më parë. Vajza
5-vjeçare Roberta Milonashi, nga Kuçova, nisi të
ankohej pa pritur nga një sëmundje e rëndë në zemër.
Shtrimin e parë ajo e bëri në fund të këtij viti në
spitalin e Kuçovës.

Diagnoza e sëmundjes për mjekët kuçovarë, është e
mistershme, dhe me gjithë mjekimet e tyre intensive
ajo evoluonte me shpejtësi, duke e vënë në pikëpyetje
jetën e vajzës. Më pas vajza iu nënshtrua analizave
për ekzaminimin e sëmundjes prej tre muaj me radhë në
spitalin nr.1 të kryeqytetit. Por, edhe këtu nuk u
arrit të kurohej e aq më pak të përcaktohej lloji i
sëmundjes. Mjekët e kryeqytetit e kaluan atë për
shtrim në senatorium, por edhe prej aty ajo doli pa
asnjë shpresë shpëtimi. Vajza duhej dërguar për kurim
në klinikat perëndimore, por familja nuk i përgjigjej
dot financiarisht. Për këtë arsye, i ati, Filipi,
preferoi të shkoj familjarisht në Greqi, vetëm për t'i
ardhur në ndihmë vajzës, në janar të këtij viti. 


Humbja e shpresës
Nuk kaloi shumë kohë dhe Roberta u shtrua në një
klinikë të Janinës, ku iu nënshtrua një terapie
intensive dhe një kontrolli të gjithanshëm
shëndetësor, me qëllim që të evidentohej vatra dhe
shkaqet e sëmundjes. Por, edhe mjekët helenë nuk
mundën të përcaktojnë dot llojin e sëmundjes. Nga
Janina ajo transferohet në spitalin e Athinës, ku u
përsërit e njëjta procedurë, por pa rezultat. Ndërsa
shëndeti i Robertës çdo ditë bëhej edhe më i rëndë.
Tashmë, sëmundja e saj është shndërruar në një
shqetësim ballkanik. Ajo po hynte në historitë e
rralla të mjekësisë botërore dhe përherë e më shumë po
bëhej e njohur jo vetëm ndër shqiptarët që jetonin
atje. Askush nuk mund të bënte më shumë për jetën e
saj, më tepër se fati. 


Aventura
Dhe fati i erdhi fare rastësisht. Në ambientet e
spitalit të Athinës, ajo njihet me një bashkëmoshatare
në parkun e vogël të lojërave. Në pak ditë, ato u bënë
shoqe dhe miqësia mes tyre lidhi dhe prindërit e tyre.
Vajza e huaj ishte bija e një gazetareje të "NeW York
Times", në Athinë. Kjo e fundit, pasi u njoh me
peripecitë e Robertës, në moment u zotua të
kontribuonte për jetën e saj në rrezik. Ajo i
telefonoi të shoqit në Florida, që ky të mundësonte
dërgimin e ndonjë mjeku amerikan në Athinë, ose
shtrimin e vajzës në klinikat e SHBA. Gazetarja
amerikane merr epikrizën dhe analizat e vajzës
kuçovare dhe i dërgon vetë në Florida. Dhe atje gjen
gatishmërinë e një mjeku të njohur 76- vjeçar, mik i
familjes, për t'i ardhur në ndihmë Robertës. Ai
menjëherë e përcaktoi diagnozën dhe është shprehur se
kjo diagnozë është tepër e rrallë, që prek 1 në 7
milionë njerëz. Ndërsa ishte e sigurtë në kurimin e
saj dhe kërkoi që vajza të dërgohej atje, në klinikën
e tij private. Gazetarja i rikthehet në Athinë dhe
menaxhon përgatitjen e dokumenteve në ambasadën e SHBA
në kryeqytetin helen. Siç ndodh shpesh, të huajt
hezitojnë kur është fjala për shqiptarët, dhe në këtë
rast nuk i dhanë vizën amerikane të atit të saj. Këtu
shpresat për jetën e vajzës u ndërprenë sërish. 


Shpëtimi
Por, mjeku 76-vjeçar vendosi të vijë vet në Athinë.
Një muaj më parë, pasi ndërroi plot 4 avionë, ai erdhi
në Greqi, duke shfrytëzuar 4 ditët e pushimit. Ai
takohet dhe bisedon me prindërit dhe vet Robertën dhe
në çast vendosi: "Vajza do të operohet. Operacioni
kushton 12 milionë dhrahmi. Por, garancia e dhënë për
të ishte vetëm 30 për qind". Ishte përsëri një shumë e
papërballueshme për familjen e saj, e cila u bëri
thirrje për ndihmë bashkatdhetarëve që jetonin në
Athinë. Në pak ditë, ata dhanë për jetën e 5-vjeçares
plot 8 milionë dhrahmi. Në fund operacioni u krye me
sukses nga mjeku i njohur nga SHBA. Madje, profesori i
Floridas nuk deshi të dinte më për shumën që
meritonte. Ndërkohë që gazetarja e informoi se
kontributi ishte vetëm 8 milionë ai zgjati dorën drejt
një vazoje me lule, dhe pasi këputi një degë u tha: "I
shpëtova jetën një luleje dhe jo një fëmije". Roberta
doli nga spitali 3 javë më parë.


__________________________________________________
Do You Yahoo!?
Get email at your own domain with Yahoo! Mail. 
http://personal.mail.yahoo.com/