[ALBSA-Info] Zeri i Popullit, 27.2.2001

[Agron Alibali]

Droga: shuma të mëdha për të blerë deputetë

NARKOTRAFIKU

• Platforma ishte ndërtuar për këto zgjedhje, paratë e
drogës do të zgjidhnin deputetët e rrjetit, më pas
parti politike • Tani para për influencë në gazeta e
kanale televizive, më pas gazeta e kanale televizive
pronë të tyre. 

TIRANE- Prokuroria shqiptare zbulon qëllimet politike
të organizatës kriminale të narkotrafikut. "Karteli
shqiptar kishte si synim të kontrollonte zgjedhjet e
ardhëshme për të drejtuar më pas pushtetin politik
nëpërmjet hedhjes në veprim". Kjo është deklarata e
fundit e grupit të prokurorëve të çështjes së rrjetit
ndërkombëtar të narkotrafikut. Pas hetimeve të
njëpasnjëshme, prokurorët që po merren me zbardhjen e
çështjes së organizatës kriminale të kokainës arritën
të zbardhin synimin e supertrafikantëve shqiptarë të
cilët kishin synime afatgjata politike në Shqipëri.
Projekti i tyre i detajuar është zbuluar orët e fundit
nga grupi i prokurorëve dhe hetuesve të Prokurorisë së
Përgjithshme në bashkëpunim me Antimafian italiane dhe
Shërbimet Sekrete Perendimore. Sipas projektit të
zbuluar, grupi i bosëve shqiptarë të drogës, kishte
arritur të piketonte disa kandidatë për deputetë për
t’i financuar ata gjatë zgjedhjeve parlamentare të
këtij viti. Veç kësaj, gjatë 4 viteve të legjislaturës
së ardhëshme, grupi i trafikantëve të kokainës, do të
niste investimet e fuqishme në disa fusha dhe zona të
Shqipërisë për pastrimin e parave të pista.
Paralelisht me këto investime, ata do të krijonin edhe
një parti politike e cila synonte financimin për
fitimin e disa mandateve të deputetevë dhe më pas
zënien e disa posteve të rëndësishme në ekzekutivin
shqiptar dhe pushtetin lokal. Hetuesit dhe prokurorët
e çështjes, tashmë kanë zbardhur plotësisht emrat e
disa politikanëve aktualë të cilët kanë kohë që ruajnë
lidhje tepër të forta me pjestarë të kartelit shqiptar
të trafikut të kokainës dhe nëpërmjet financimeve të
fuqishme ndaj tyre nga bosët e trafikut të drogës janë
hedhur në veprim për të realizuar ambicjet politike të
rrjetit. Detyra e këtyre politikanëve ka qenë edhe
inkriminimi i personave të tjerë si dhe blerja e
kandidatëve të mundshëm për të pasur sa më shumë
njerëz në Parlament me qëllim kontrollimin e të gjithë
jetës politike. Kontrolli i drogës synonte sipas
kartelit shqiptar mbështetjen politike. I gjithë plani
i organizatës do të shoqërohej edhe me ngritjen e një
grupi të fuqishëm mediash që do të mbështesnin
aksionin politiko-financiar të grupit të drejtuar nga
Durda e Bërballa. Karteli shqiptar i drogës, ka punuar
me qëllime afatgjata duke interpretuar me mjeshtëri
skemën e njohur të mafias ndërkombëtare e cila ka
arritur të blejë kokat e politikës dhe ekzekutivit për
të realizuar synimet e veta kriminale. Të njëjtën gjë
ka synuar edhe klani Durda, Bërballa, Koçiu, klan i
cili ka vepruar sipas skemës së njohur të mafias
kolumbiane për të mundësuar krijimin e një partie të
saj. Hetuesit dhe prokurorët tashmë kanë zbardhur
pothuajse gjithçka rreth emrave të personave që janë
implikuar në këtë skemë të përpiluar mjeshtërisht,
detyrave të tyre, synimeve dhe ambicjeve të mëtejshme
politike


__________________________________________________
Do You Yahoo!?
Get email at your own domain with Yahoo! Mail. 
http://personal.mail.yahoo.com/