[ALBSA-Info] Per te drejtat e njeriut te cameve - II

[Agron Alibali]

Avokati i Popullit i pergjigjet nje cami qe nuk e do
shtetesine shqiptare

Ne ankesen e derguar Avokatit te Popullit sqaroni se
keni lindur ne Grave-Gumenice te Camerise dhe ne vitin
1944, ju dhe familja juaj, jeni larguar me force nga
Cameria, duke emigruar ne Shqiperi. Ne vitin 1953,
shteti shqiptar nepermjet dekretit nr.1654, date
19.04.1953, "Mbi dhenien e shtetesise shqiptare cameve
qe banojne ne Republiken Popullore te Shqiperise", i
dha shtetesine shqiptare te gjithe personave me
kombesi shqiptare nga Cameria, te cilet deri ne ate
kohe nuk e kishin fituar shtetesine shqiptare. Per
kete ju shpreheni shqetesimin tuaj se shteti shqiptar
i asaj kohe ka shkelur te drejtat e njeriut pasi ju ka
dhene shtetesine shqiptare duke pasur nje shtetesi
tjeter me pare dhe kete e ka bere pa kerkesen tuaj.
Per kete ju kerkoni nderhyrjen time, per t'ju kthyer
shtetesine greke qe keni pasur perpara vitit 1953.


Lidhur me kete ankese tuajen ju sqaroj se:


Avokati i Popullit eshte krijuar si Institucion me
Kushtetuten e nentorit 1998 dhe nuk mund te nderhyje
per zbatimin e nje dekreti te vitit 1953. Ne qofte se
ju deshironi te mos keni shtetesine shqiptare, mund te
zgjidhni problemin duke bere kerkese individuale per
lenien e saj sipas ligjit nr.8389, date 05.08.1998,
"Per Shtetesine Shqiptare". Nga ana tjeter mund te
kerkoni shtetesine greke, duke e kerkuar nepermjet
organeve kompetente ne Greqi, ridhenien e saj. Ne rast
se keto te fundit kundershtojne kerkesen tuaj, mund
t'i drejtoheni si gjykates greke ashtu dhe Ombudsmanit
(Avokatit te Popullit) te Greqise. Kjo sepse duhet
mbajtur parasysh se ne baze te ligjit nr.8454, date
04.02.1999, "Per Avokatin e Popullit", Avokati i
Popullit mbron te drejtat, lirite dhe interesat e
ligjshem te individit nga veprimet ose mosveprimet e
paligjshme e te parregullta te organeve te
administrates publike shqiptare, por jo te
administrates greke.


E njejta gje eshte dhe per pronat qe ju keni ne Greqi.
Ju duhet t'i kerkoni ato ne menyre individuale
nepermjet organeve gjyqesore greke. Perfundimisht, ju
orientoj qe ne baze te dokumentacionit te rregullt qe
ju mund te dispononi per te provuar pretendimet tuaja,
mund dhe duhet t'i drejtoheni gjykates greke, per te
dyja problemet. Cdo vendim qe mund te jape gjykata
atje ka vlere per ju, pasi do te keni mundesi me pas
qe t'i drejtoheni dhe Gjykates se te Drejtave te
Njeriut ne Strasburg per problemin tuaj. Kjo eshte e
vetmja rruge ligjore qe ne baze te legjislacioneve
perkatese te se drejtes civile dhe akteve
nderkombetare per mbrojtjen e te drejtave te njeriut,
mund te coje ne zgjidhjen e problemit tuaj ne keto
momente.


Nga ana tjeter ju premtoj se, per kete problem,
nepermjet mundesive qe me krijon Institucioni, do te
bashkepunoj me Ministrine e Jashtme dhe organizmat
nderkombetare, per te gjetur mundesine e zgjidhjes se
tij.


Kryetari i Shoqates "Cameria", Bedri Myftari, ne nje
interviste per "KJ", sqaron rreth kerkeses se bere tre
muaj me pare drejtuar krereve me te larte te shtetit
per heqjen e shtetesise shqiptare. "Ne qofte se nuk na
kthejne ne Greqi, atehere te na marrin ne Perendim te
300 mije cameve dhe te na trajtojne si gjithe
refugjatet e tjere", thote ai. 




Perse e kerkon Shoqata "Cameria" heqjen e shtetesise
shqiptare?


Shfuqizimin e dekretit 1654, te dates 19 prill 1953, e
kerkojme per keto arsye; e para, shteti shqiptar nuk
eshte ne gjendje ta zgjidhe vete ne keto kondita qe
eshte per arsye te shumta. Ne duke shfuqizuar kete
dekret mbetemi nenshtetas greke dhe duke mbetur
nenshtetas greke, kemi te drejte t'i kerkojme BE-se,
Komisionit te Refugjateve prane OKB-se, UNHCR-se,
KE-se qe te na kthejne ne trojet tona. Ata kthejne
romet e serbet ne Kosove, ndersa me Greqine e kane me
lehte per arsye se Greqia eshte anetare e Bashkimit
Evropian. Ne qofte se ata do te thone se nuk iu
kthejme, atehere ne kemi te drejte t'u kerkojme qe te
na marrin ne Perendim 300 mije came dhe si refugjate
gezojme te gjitha te drejtat qe gezojne refugjatet ne
te gjithe boten, qe me asistence e me te gjitha. Kjo
eshte thelbi i gjithckaje. Kerkesen ia kemi bere
Presidentit, Kryeministrit dhe Parlamentit. Nuk kemi
marre pergjigje nga asnjeri. Kemi biseduar para ca
ditesh me juristin tone Rustem Gjata dhe me Juristin e
Presidentit Theodhori Sallaku. Ne e kemi lene qe
brenda javes qe vjen te na ktheje pergjigje, qofte kjo
pergjigje edhe negative ne na intereson. Atehere do te
shkojme ne Parlament. Persiper e ka marre deputeti
Sabri Godo qe eshte edhe kryetari i Komisionit te
Jashtem per ta lexuar ne Parlament. Sigurisht qe atje
ne do te mbrojme. Nese edhe atje do te na jepet
pergjigje negative, atehere ne do t'i drejtohemi
Gjykates Kushtetuese. Edhe nese Gjykata Kushtetuese do
te na jape pergjigje negative, atehere ne kemi te
drejte qe te mbledhim te gjithe dokumentet dhe t'i
drejtohemi gjyqit te Strasburgut. Per shembull para ca
kohesh, mbreti Jorgo qe i ishte drejtuar Strasburgut,
fitoi gjyqin me grekun dhe mori te gjitha pronat dhe
c'kishte. Ne gjithmone kemi synim qe te kthehemi ne
pronat tona dhe nuk shesim asnje pellembe toke, pasi
cdo cam qe shet pronat e veta grekeve, nga Shoqata
"Cameria" ai quhet tradhtar, sepse ka shitur pronen,
territorin shqiptar. Ne do te shkojme ne Greqi dhe do
t'i nenshtrohemi te gjitha rregullave qe ka shteti
grek. Nuk kerkojme as ndryshim kufijsh dhe as
priviligje te vecanta. 


.....

Pse nuk e keni bere me perpara kete kerkese ne keto
dhjete vjetet e fundit, por e beni tani?


Kjo kerkese nuk eshte bere me perpara per arsye se
neve kishim si objektiv tonin, qe, nese do te fitoje
Kosova, neve do te na hapet drita jeshile. Nese nuk
fitonte Kosova, ne mbeteshim prape ne erresire. Tashme
ne e kemi rrugen e hapur dhe kerkojme qe te kthehemi
ne trojet tona ne momentin me te pershtatshem. Kjo ka
qene arsyeja. 


Mendoni se do te shfuqizohet dekreti i _53-shit?


Po do te shfuqizohet, pasi i intereson edhe shtetit.
Shteti heq belane keshtu nga vetja. 


Pergjigjja zyrtare per kerkesen tuaj eshte qe, para se
te kerkoni heqjen e shtetesise shqiptare, duhet te
keni garanci nga shteti grek per t'iu dhene shtetesine
greke... 


Shtetesine greke ne e kemi. Po te veme ne Ministrine e
Rendit, te bej nje kerkese dhe te paguaj 2600 leke te
vjetra e marr letren e shtetesise greke. E kane marre
shume vete. Ne e kemi shtetesine greke. Greku nuk e ka
hequr shtetesine. Pra, ky shteti jone nuk ka te drejte
te heqe shtetesine e nje shteti tjeter, pasi shtetesia
jone ekziston. Ne nuk beme lutje per te lene
shtetesine greke, as per te marre shtetesine
shqiptare. Ne kemi bere nje referendum brenda shoqates
dhe kane derguar shkresa me mijera familje, pasi
behemi 300 mije vete, qe mund te kene kerkuar kete
gje. Mendoj une se nje pakice e vogel qe mund te mos
jete dakord. Kete gje nuk na i ka thene njeri, por
shumica e cameve, mbi 90% duan te kthehen ne trojet e
tyre. Eshte e mundshme qe te kthehen te 300 mije camet
ne Greqi, pasi pasurite e Camerise dhe po te shkojme
ne ne tokat tona, jo vetem 300 mije sa jemi, por edhe
3 milione greke do te punojne. Greket kane qene
argatet tone tere jeten. Bregdeti i Camerise eshte
quajtur perla e Ballkanit dhe princat, mbreterit,
lorder nuk i bejne me pushimet ne asnje vend te botes
1 muaj e 2 muaj, por 8 muaj ne vit ne bregdetin e
Camerise. 


Ne '53 ju keni qene pa shtetesi greke, kur ju eshte
dhene shtetesia shqiptare?


Kemi qene me nenshtetesi greke. Kjo vertetohet ne
Ministrine e Rendit. 300 mije came jane ne Shqiperi,
300 jane ortodokse came qe flasin shqip jane ne
Cameri. Une bisedova me nje plak 90 vjet dhe me tha;
"Une i varferi jam 90 vjec dhe nuk di asnje fjale
greqishit". 1 milion e 500 mije came jane ne Turqi dhe
nja 400 mije jane neper bote, gjithsej jane 2 milion e
500 mije came. 
 
KOHA JONE


__________________________________________________
Do You Yahoo!?
Get email at your own domain with Yahoo! Mail. 
http://personal.mail.yahoo.com/