[ALBSA-Info] Sorosi fton

[Agron Alibali]

Vendosën të punojnë këtu,
tani i paguan edhe SOROS

TIRANE

Ata janë 78 persona. Specialistë të financave,
arsimit, kulturës shëndetit, prok-urorë, shefa
policie: të gjithë punonjës të të administratës
publike. Të arsimuar në universitetet e huaja, Angli,
Francë, Kanada, Rumani, Bullgari e gjetkë, ata kanë
zgjedhur të punojnë në Shqipëri. 

Por, dhe me një stimul tjetër. SOROS iu jep një shtesë
page, për zgjedhjen që bënë. "Një deri në katërfish të
rrogës shtetërore që ato firmosin në bordero çdo muaj.
Kjo është pjesë e programit Fellowship, që ne kemi
nisur", thotë për Gazetën Mimoza Gjika, drejtoreshë e
projektit. Ndërsa ata vetë janë pagëzuar si "fellow".
Nga anglishtja, shqipërimin më të saktë do ta kishte
"anëtar, ortak i një shoqate". Dhe shoqëria që i
bashkon, këta njerëz, është dëshira për të punuar në
Shqipëri, por larg sektorit privat. 


Cilët janë studentët?
Ilirian Zylyftari, studenti i dikurshëm në një prej
Fakulteteve të Shkencave Politike italiane, është një
prej "fellow"-ve. Pas mbarimit të studimeve
pasuniversitare në Angli, është "peshkuar" në
programin e SOROS. Student i Shkencave politike, sot
drejtor i Policisë së Tiranës, Zylyftari është kthyer
në një emër publik. Duke kaluar shkallë-shkallë në
hierarkinë shtetërore, has një tjetër emër, Edmond
Haxhinasto, një nga njerëzit më "të afërt" të
Kryeministrit Meta, kur bëhet fjalë për çështjet me
jashtë: këshilltari diplomatik. Akoma më larg Mentor
Nazarko, këshilltarin e shtypit të Presidentit
Meidani. Dje ai ishte bashkë me studentët e tjerë në
takimin e organizuar në "Vilën Ambasador". "Kam
studiuar jashtë nga '91-'97, por asnjëherë shkëputja
ime nuk ka qenë e gjatë. Gjatë kësaj kohe kam punuar
si kryeredaktor i Gazetës Dita Informacion", thotë ai
për Gazetën. Dikur pagëzimin "fellow" e mbante dhe
ministri i Transporit, Sokol Nako, por tashmë ai është
shkëputur nga klubi. Të gjithë janë specialistë apo
drejtorë të dikastereve të rëndësishme. 


Qendra e "fellow"-e
Të vendosur pa hierarki, në një listë të gjatë,
studentët që kanë studiuar jashtë dhe punojnë në
administratë, janë shumë. Kjo u pa dje, në takimin që
ata patën në "Vilën Ambasador", ku përuruan dhe
Qendrën e tyre. Eshtë një dhomë e vogël. Nuk ka më
shumë se dhjetë kompjutera dhe këtu ata, studentët e
universiteteve të huaja, do të takohen çdo muaj. "Më
duket ide shumë interesante. Nuk janë vetëm lekët, por
dhe një shkëmbim eksperience", thotë Liljana Çoçoli,
specialiste në Ministrinë e Arsimit dhe Shkencës. Ka
vetëm dy muaj që është anëtare e shoqatës, që ditën
kur vendosi të lërë firmën ku ishte punësuar. Si
historia e saj gjen 78 vendime të tjera, për të punuar
në Shqipëri. 


Programi i SOROS
Kështu, si dje, ata do të takohen për pesë vjet me
radhë. Kaq zgjat dhe programi, nga 2001-2005. Sipas
drejtoreshës së programit, fondacioni SOROS (Shoqëria
e Hapur për Shqipërinë), ka dhënë 800 mijë dollarë,
për kompensimin e rrogave. "Fellowship"-i u hap për
herë të parë në vitin 1998. "Atëherë ishin shumë pak
studentë që kishin pranuar të ktheheshin pas mbarimit
të studimeve", thotë Gjika. Programi donte të zbuste
disi "rrjedhjen e trurit", që po paralizonte punën në
administratën publike. Të gjithë ata që kishin mbaruar
studimet universitare apo pas universitare jashtë
vendit, ftoheshin nga SOROS të punonin për Shqipërinë.
Secili prej studentëve duhet të aplikonte pranë
fondacionit. Të zgjedhurit nuk do të mbeteshin thjesht
me pagën e shtetit. SOROS iu afronte atyre një
kompensim në lekë, që do të ishte dy herë ose dhe
katër herë më i madh se rroga e shtetit. Dhe kjo do të
gjykohej sipas rasteve. "Ishte një ofertë që do të
motivonte për të qëndruar dhe atë kontigjent, i cili
ishte punësuar më parë në administratë", thonë
specialistët e programit.


Ç'do bëhet?
"Me përparësi janë parë aplikantët që vijnë nga
institucionet e përfshira në thithjen e ndihmës së
huaj", thonë koordinatorët e Projektit. Kështu janë 6
specialistë të Ministrisë së Financave, 9 punonjës të
Ministrisë së Punëve me Jashtë dhe 5 të tjerë,
punonjës të Ministrisë së Bashkëpunimit Ekonomik dhe
Tregtisë. Drejtuesit e programit sqarojnë se e njëjta
praktikë pritet të ndodhë dhe me pushtetin lokal, ku
ndihet mungesa e "trurit". 78 ish-studentët që u
takuan dje, tashmë mbajnë një emër, janë "dikush".
Para shumë vitesh, nuk morën "arratinë" si të shumtët,
qëndruan këtu. Nganjëherë ndodh dhe kështu. 

Disa nga antarët e klubit


o Mimoza Kondo, drejtoreshë e Përgjithëshme për
Integrimin Euro- Atlantik, dhe shumë shpejt pritet të
atashohet pranë ambasadës shqiptare në Bashkimin
Evropian
o Ilir Ciko, këshilltar në Ministrinë e Ekonomisë
Publike dhe Privatizimit
o Mentor Nazarko, kështilltar i Presidentit
o Ilirian Zylyftari, drejtor i Policisë së Tiranës
Elida Reci, drejtoreshë e Marrëdhënieve me Jashtë në
Ministrinë e Financave
o Ornela Kembora, specialiste në Ministrinë e 
Financave
o Andi Sulo, specialist në Ministrinë e Financave
o Arian Manahasa, drejtor i Drejtorisë së Rrugëve në
Ministrinë e Punëve Publike
o Elida Petoshati, referente në Ministrinë e Jashtme 
o Arben Tabaku, specialist në Qendrën Shqiptare për
Kërkime Ekonomike
o Albana Dautllari, specialiste në Ministrinë e
Ekonomisë Publike dhe Privatizimit
o Edmond Haxhinasto, këshilltar diplomatik i
Kryeministrit
o Eda Terzi, specialiste në Ministrinë e Bashkëpunimit
Ekonomik dhe Tregtisë
o Gjergji Teneqexhi, sekretar i përgjithshëm i
Ministrisë së Financave dhe drejtor i buxhetit në këtë
Ministri
o Artur Kuko, drejtor i marrëdhënieve me BE,
ish-ambasadori në NATO
o Doris Andoni, drejtoreshë e Projekteve në Ministrinë
e Punëve Publike
o Lindita Backa, drejtoreshë e Drejtorisë së
Politikave në Ministrinë e Shëndetësisë 
 


__________________________________________________
Do You Yahoo!?
Get personalized email addresses from Yahoo! Mail - only $35 
a year!  http://personal.mail.yahoo.com/