[ALBSA-Info] Dokumente per debatin ne PS - Korrieri

[Agron Alibali]

Promemoria e perkrahesve te Nanos

Promemoria e perkrahesve te Nanos


Zotit Ilir Meta, Kryeminister


Ne, Deputete te Kuvendit te Shqiperise 


* Duke shprehur dhe nje here vendosmerine dhe pergjegjesine politike per realizimin me sukses te mandatit te fituar ne zgjedhjet e veres 2001 deri ne zgjedhjet ardhshme te vitit 2005;


* Duke shprehur angazhimin dhe pergjegjesine politike per te kontribuar ne plotesimin e te gjithe parametrave dhe kritereve qe garantojne realizimin e suksesshem te fillimit ne kohe te negociatave per firmosjen e Marreveshjes se Asociim-Stabilizimit me Bashkimin Europian;


* Duke qene te vendosur per te vazhduar luften kunder korrupsionit, kontrabandes dhe trafiqeve, me te vetmi synim, permiresimin e vazhdueshem te parametrave qe garantojne qeverisjen e mire dhe stabilitetin politik te qendrueshem e afatgjate;


* Duke pritur nje reflektim te thelle nga Ju lidhur me rikompozimin e nje qeverie mbi bazat e kritereve, te merites e kontributit politik, profesionalizmit dhe integritetit moral qe synon njekohesisht gjetjen e zgjidhjeve afatgjata e te qendrueshme dhe per krijimin e nje klime bashkepunimi pozite-opozite, me synim fillimi e nje jete parlamentare normale konform rekomandimeve te ODHIR-it;


Kerkojme:


* Te tregoni maturine dhe pergjegjesine politike, duke kerkuar terheqjen e dekreteve te Presidentit per emerimi e kater ministrave per te mos lejuar thellimin e krizes permes perdorimit te shumices relative brenda Grupit Parlametar;


* Te mos bini prehe e perdorimit te shumices relative qe zbeh mbeshtetjen politike ndaj qeverise sone dhe vetem e shtyn krizen, duke rritur cdo dite permasat e saj;


* Te reflektoni me pergjegjesi politike per te shmangur thellimin e krizes qe pemes gjenerimit te krizave te reja do te mund te shoqerohej me destabilitet politik;


* Te tregoni pergjegjesine maksimale poitike per te mos e cuar vendin ne krize institucionale;


* Te vendosni interesat e vendit mbi interesat dhe ambiciet personale me synimin e mire te permiresimit te qeverisjes sone, permes rikompozimit te qeverise qe ju drejtoni Ju me konsensus maksimal brenda partiak dhe te partive qe bejne pjese ne koalicionin qeverises per te rivendosur besimin per fillimin e korrigjimit te deformimeve qe kane pervijuar krizen aktuale. 


Zoti Kryeminister


Ju veme ne dijeni se ne rast se Ju nuk do te reflektoni ne drejtimin e duhur, Ne me maturi dhe pergjegjesi te larte politike nuk do te behemi pjese e vendimmarrjeve vetem me baze shumicen relative te mazhorances.


Alternativa qe ne ofrojme eshte rishikimi i struktures se qeverise qe Ju kryesoni per ta bere efikase dhe koherente me prioritetet tona politiko-qeverisese dhe perfshirja ne kabinetin qeveritar e perfaqesuesve te shquar politike qe duhet te bejne transparencen e nevojshme ne krye te dikastereve per sensibilitetet e njohura politike dhe publike.


Ne e quajme te domosdoshme qe Ju te angazhoheni politikisht, gjithashtu per korrigjimin e te gjitha emerimeve te papershtatshme ne funksione kyce te administrates se larte shteterore dhe te deformimeve ne zbatimin e ligjit te Sherbimit Civil. 


Tirane 19.12.2001

====

Deklarata e perkrahesve te Kryeministrit Meta


Deklarata e perkrahesve te Kryeministrit Meta


Grupi Parlamentar i Partise Socialiste te Shqiperise, i mbledhur me date 20.12.2001 per te shqyrtuar dhe vendosur qendrimin politik ne lidhje me dekretet e Presidentit te Republikes per lirim dhe emerim ministrash, pas nje debati te gjate, konstruktiv dhe te argumentuar, vendosi me shumice votash te adoptoje si qendrim politik votimin pro dekreteve te Presidentit te Republikes, ne perputhje dhe me rezoluten e miratuar nga KPD ne mbledhjen e tij te fundit dhe vendimin e kryesise se PSSH per te mbeshtetur propozimet e Kryeministrit Ilir Meta per emerimin e ministrave te rinj.


Per te respektuar mendimin kunder te disa deputeteve, anetare te Grupit Parlamentar te PSSH, ne mbledhje u propozua dhe u vendos si zgjidhje:


a. Votimi per dekretet e Presidentit


b. Hartimi i ligjit organik per organizimin dhe funksionimin e Keshillit te Ministrave brenda muajit mars 2002


c. Hartimi dhe miratimi i ligjit "Per krijimin e komisioneve hetimore parlamentare"


Ky vendim, i marre me dy te tretat e votave te deputeteve, ne perputhje me statutin e PSSH dhe rregulloren e Grupit Parlamentar u shpall ne fund te mbledhjes nga kryetari i Grupit Parlamentar socialist, Arben Malaj, qendrim politik i Grupit Parlamentar te PSSH, i detyrueshem te zbatohej nga te gjithe. Megjithate disa deputete socialiste, duke mos marre pjese ne seancen plenare te Kuvendit, nuk respektuan vendimin politik, bene te pamundur mbajtjen e seances dhe votimin e dekreteve te Presidentit.


Grupi Parlamentar i PSSH, ne keto kushte, analizoi kete fakt dhe mos pranine e disa deputeteve ne seance e konsideroi nje qendrim qe nuk perputhet me normat dhe rregullat e funksionimit te strukturave te Partise Socialiste. Ne zbatim te prioriteteve politiko-qeverisese te PSSH dhe per te permbushur detyrimet ndaj elektoratit dhe vendit eshte e domosdoshme te shmangen emocionet dhe qendrimet qe nuk i kontribuojne stabilitetit te vendit, forcimit te institucioneve dhe realizimit te angazhimeve te marra per integrimin e Shqiperise ne strukturat euroatlantike. Duke qene te bindur se keto interesa jane ato qe na bashkojne te gjitheve, kemi besim se deputetet qe nuk moren pjese ne seancen plenare per votimin e dekreteve te Presidentit do te shfaqen ne lartesine e pergjegjesive kushtetuese te te zgjedhurve nga populli, te votuar si perfaqesues te Partise Socialiste te Shqiperise.



---------------------------------
Do You Yahoo!?
Check out Yahoo! Shopping and Yahoo! Auctionsfor all of your holiday gifts!
-------------- next part --------------
HTML attachment scrubbed and removed