[ALBSA-Info] Zbulime ne Butrint

[aalibali at law.harvard.edu]

 Diaporit: Zbulohen 6 dhoma luksoze me mermer, shek. I pas Krishtit  
Lajmi i ores 5:00 PM  
 
TIRANE - Gjashte dhoma luksoze te shtruara me mermer, te cilat i perkasin 
shekullit te I pas Krishtit u zbuluan ditet e fundit gjate nje ekspedite 
shqiptaro-angleze, ne vilen romake te Diaporitit, qyteze ne jug-perendim te 
Liqenit te Butrintit. Prof.as.Dr Luan Perzhita, drejtues i pales shqiptare ne 
kete ekspedite tha per ATSH-ne se, "zbulimi i ketyre dhomave te te shtruara me 
mermer tregon nivelin e larte te jeteses ne qytezen e Diaporitit". Sipas tij, 
gjate germimeve arkeologjike eshte gjetur edhe nje kanal qe mendohet te jete 
shtrire ne te gjithe qytezen per qarkullimin e ujrave. Ne ambientet e ketyre 
dhomave jane gjetur mjaft objekte arkeologjike si ene qeramike, ene qelqi, 
gota, filxhan, ene qilari, kandila , monedha etj. Qyteza antike e Diaporitit 
ndodhet 5 km larg Butrintit jo shume larg qendres antike te Kalivose. Diaporiti 
eshte permendur vetem si emer ne nje shkrim te arkeologut italian Ugolinit, i 
cili kishte konstatuar dy rrenoja. Ndersa germimet ne qendren e re arkelogjike 
te Diaporitit filluan per here te pare vitin e kaluar gjate ekspedites 
shqiptaro-angleze. in/ko (ATSH/BalkanWeb)