[ALBSA-Info] Gazeta shqiptare

[Agron Alibali]

GAZETA E GJIROKASTRES

OSBE dhe Prefektura:
Regjistrimi, thjeshtë statistikë

GJIROKASTER

Dropulli i Poshtëm këmbëngul në kërkesën e tij, për
saktësimin e kombësisë në formularët e regjistrimit të
popullsisë e banesave. Madje për këtë çështje ata i
kanë dërguar dje një letër kryeministrit Ilir Meta, si
dhe Prefekturës së Gjirokastrës, ku u kërkohet e
njëjta gjë.

Institucioni më i madh lokal i Gjirokastrës, si dhe
zyra rajonale e OSBE-së, kanë reaguar lidhur me
kërkesën e minoritarëve dropullitë. Ndërkohë bëhet e
ditur se kryetari i komunës së Dropullit të Poshtëm,
Pandeli Toli, ka thënë që "ne do të fillojmë nga puna,
aq më tepër që jemi pushtet vendor, e do të zbatojmë
ligjin, por sa do të ecë kjo gjë, këtë nuk mund ta
themi". Kasëm Lamaj, shef i sektorit juridik, ka
thënë, për Gazetën, se "kemi të bëjmë me një
regjistrim statistikor, që ka të bëjë me pronën dhe
popullsinë e jo me problemet e identitetit". "Aq më
tepër që një proces i tillë monitorohet nga donatorët
e huaj, dhe Kombet e Bashkuara kanë rëndë dakord që në
të gjitha vëndet ku po kryhet një proces i tillë
regjistrimi, të dhënat intime nuk do të publikohen,
pasi ky është proces ekonomik e social. Përderisa ky
regjistrim nuk bazohet mbi dokumente, por mbi
informacionet e lira, nuk është e nevojshme që të
shkruhet kombësia dhe ky problem nuk e mohon
identitetin e njerëzve", -ka theksuar Lamaj, duke
shtuar se "këtë ia kemi bërë të ditur edhe zyrës së
OSBE-së". Reagim për bllokimin e procesit të
regjistrimit në Dropullin e Poshtëm ka pasur edhe nga
kjo zyrë. Shefi i saj, Gaston Back, ka thënë për
Gazetën, se "ne na vjen keq për bojkotimin e procesit
të regjistrimit të popullsisë e banesave, pasi ajo në
mënyrë të qartë po fokusohet në aspekte që kanë të
bëjnë me kërkime demografike, sociale dhe ekonomike".
"Siqoqoftë, ne i kuptojmë shqetësimet e minoriteteve
dhe po përpiqemi të organizojmë takime me grupet e të
gjitha niveleve të përfshira në këtë proces. Kemi
planifikuar që të bëjmë takime me konsullin dhe me
OMONIA-n", -ka thënë Back.
 


__________________________________________________
Do You Yahoo!?
Get email at your own domain with Yahoo! Mail. 
http://personal.mail.yahoo.com/