[ALBSA-Info] {QIKSH =?ISO-8859-1?Q?=AB?=ALBEUROPA=?ISO-8859-1?Q?=BB?=} MERO BAZE:Koment - Perse kane fituar greket ne Himare

[koliqi at bluemail.ch]

----- Messsaggio originale -----
Da: Mero Baze <tema at albaniaonline.net>
Data: Lunedì, 16 Ottobre 2000, 18:30
Titolo: Koment:Perse kane fituar greket ne Himare

Ja pse kanë fituar grekët në Himarë
 
Mero Baze
 
Komisioni Qendror i Zgjedhjeve njoftoi paraprakisht se 
"koalicioni" i forcave kombëtare me në krye Partinë Socialiste arriti 
të fitojë në Himarë, pas një stuhie të ngritur papritur nga qeveria 
shqiptare për rrezikun e fitores së Partisë së të Drejtave të Njeriut 
në atë qytet të bregdetit shqiptar. Shumë qytetarë shqiptarë panë për 
herë të parë me sytë e tyreangazhimin e një makine të tërë 
propagandistike "antigreke" duke detyruar të shkojnë në Himarë 7 
deputetë grekë të parlamentit të Athinës, dhe disa deputetë shqiptarë 
të Tiranës së bashku me një qerre gazetarësh të qeverisë.Por pas 
betejës "patriotike" në fakt  u arrit një fitore e shkëlqyer greke,
pasi për herë të parë në historinë e këtyre dhjetë viteve pluralizëm, 
steka e kërkesave greke u ngrit nga Derviçani në Himarë. Tani grekët 
arritën të bëjnë një betejë diplomatike në sytë e gjithë botës në 
zemrën e bregdetitshqiptar, duke e bërë krejt të diskutueshëm 
homogjenitetin shqiptar atje.
 Ajo që arriti të bëjë qeveria shqiptare është se  tani Athina nuk flet 
më për të drejta të minoritetit grek në Dropull, por për të drejta të 
shkeluratë minoritetit grek në Himarë. Kështu ata për muaj të tërë do 
të flasin për manipulim votash, frikësime policie, represion mbi 
pakicën etj.. 
 Skemënpër t'u bërë të besueshëm në këtë retorikë, ua dha qeveria 
shqiptare, e cila ende pa filluar zgjedhjet filloi të 
angazhohej "patriotikisht" për Himarën. Bile disa nga ministrat e 
qeverisë filluan të bindin gazetarët të shkojnë në Himarë, pasi atje ka 
një rrezik të madh, pasi paska thënë shefi i madh i CIA-s se Himara 
është greke dhe të tjera pallavra si këto. Ata që e marrin ambasadorin 
amerikn përkahu sa herë që vënë tulla në bulevard dhe sa herë 
shpërndajnë jelekë antiplumb për policinë, gjatë gjithë kësaj jave
flisnin vesh më vesh kundër tij, se "ai paska thënë se në Himarë është
manipuluar se kështu i ka udhëzimet nga CIA". Me këtë retorikë ata 
arritënta kthejnë kështu Himarën në një çështje ndërkombëtare që zuri 
vend në vëmendjen e shtypit grek dhe atij greko amerikan, më shumë se 
çdo çështjekëto vitet e fundit në raport me Shqipërinë. 
 Në fakt rreziku i vetëm që i kanosej Himarës tani nuk u shmang. Duhej 
një shkas që Himara të popullarizohej në shtypin perëndimor dhe 
vëmendjen e diplomatëve si bastion i pakicës greke dhe këtë arriti ta 
bëjë qeveria shqiptare. Se kush i fitoi dhe kush i vodhi votat në 
Himarë kjo ka pak rëndësi. Himara nuk helenizohet as pse hapet ndonjë 
shkollë në gjuhën greke as se shqiptarizohet duke recituar Naim 
Frashërin. Himara mbetet shqiptare,kur shteti shqiptar të vendosë 
sovranitetin e tij mbi Shqipërinë. Ata që bënë lojën me Himarën, në 
fakt ia dolën ta kthejnë atë në një çështje të diskutueshme mes Greqisë 
dhe Shqipërisë. Nëse administrata e Berishës, zhvilloi një betejë me 
grekët, që nga shumëkush mund të gjykohet dhe e panevojshme, ajo e 
zhvilloi së paku në Derviçan, në zemrën reale të nacionalizmit grek në 
jug të Shqipërisë dhe jo në Himarë.  
 Qeveria e Tiranës ia arriti ta zhvendosë tashmë qendrën e 
nacionalizmit grek në Himarë, duke depërtuar dhe 100 km mbi Derviçan. 
Kjo për Greqinë është një fitore shumë herë më e madhe diplomatike dhe 
politike se sa fitorja e përdhosur elektorale e Ilir Metës dhe 
kabinetit të tij që tani rri gjakngrirë se mos është nxehur vërtet 
Greqia.

 

--
E-mail for everyone! http://www.bluemail.ch/ powered by the Bluewin




-------------------------- eGroups Sponsor -------------------------~-~>
Restaurants, Movies, Weather, Traffic & More!
Access Tellme from any phone.  For more info visit:
http://click.egroups.com/1/9534/8/_/920292/_/971739179/
---------------------------------------------------------------------_->

Nëse don të çregjistrohesh nga ALBEUROPA, dërgo një Email në:

albeuropa-unsubscribe at egroups.com