[ALBSA-Info] PD per zgjedhjet ne Himare

[Agron Alibali]

POLITIKA

Mustafaj: Në Himarë demokratët të
votojnë për kandidatin socialist

"Elektorati i Partisë demokratike në Himarë të votojë
për kandidatin e partisë socialiste", ka deklaruar dje
për Gazetën përfaqësuesi PD për marrëdhëniet
ndërkombëtare Besnik Mustafaj. "Kjo nuk ka qenë një
marrëveshje paraelektorale, por reflektim i situatës
që është krijuar aty", tha Mustafaj. 
Zytari i lartë i Partisë demokratike nuk e konsideron
këtë thirrje si një çudi. "Ky është një qëndrim i yni
parimor pas deklratës së Qeverisë greke, e cila
vendosi të përzihet në zgjedhjet në Shqipëri", thotë
Mustafaj. Shefi i marrëdhënieve ndërkombëtare të
partisë demokratike lë qartë të kuptohet se ka qenë
deklarata e ministrit të jashtëm grek Jorgos Papandreu
për zgjedhjet në Shqipëri që e detyron PD të bëjë
thirrje që në Himarë, në raundin e dytë të zgjedhjeve,
anëtarët e saj të votojnë për kandidatin që përfaqëson
partinë kundër të cilës kanë ngritur gjithë bateritë e
sulmeve. Papandreu kishte akuzuar qeverinë shqiptare
se kishte manipuluar zgjedhjet e 1 tetorit, ndërkohë
që Athina është mobiluzuar që në këtë qytet në
jugperëndim të Shqipërisë të fitojë me çdo kusht,
kandidati i PBDNj, partisë që përfaqëon pakicën greke.
"Përmes kësaj deklarate qeveria greke ka shkelur
fqinjësinë e mirë dhe standartet ndërkombëtare për të
mos u përfshirë në proceset elektorale të vendeve të
tjera", thotë Mustafaj. 


Ai bën të ditur se për raundin e dytë të zgjedhjeve
nuk është hera e parë që Partia demokratike mbështet
një kandidat të partisë socialiste. "Kjo ka ndodhur
dhe në bashkinë e Gjirokastrës, në vitin 1992, kur
Bashkim Fino fitoi dhe me votat e partisë demokratike
kundër kandidatit të PBDNJ", thotë Mustafaj. "Ky është
një qëndrim parimor i Partisë demokratike përmes të
cilit kërkojmë t'i tregojmë PBDNJ se është një parti e
rregjistruar si shqiptare dhe nuk duhet të bëjë
fushatë me simbole dhe mbështetje të vendeve fqinjë.
Eshtë një qëndrim parimor përmes të cilit duam t'i
tregojmë qeverisë dhe partisë socialiste se duhet të
kishin mbajtur një qëndrim të hapur për të denoncuar
deklaratat e Papandreut", thotë Mustafaj. 
 
 


__________________________________________________
Do You Yahoo!?
Get Yahoo! Mail - Free email you can access from anywhere!
http://mail.yahoo.com/