[ALBSA-Info] Shekulli per Nolin

[Agron Alibali]

 Busti i panjohur shtohet në pavionin e ngritur enkas
për Nolin
Noli peshkop,
shkon në muze
Muzeu Historik Kombëtar pasuron  pavionin e ngritur
posaçërisht për Nolin me disa zbulime të reja. Është
busti i Nolit, i cili i shtohet  këtij institucioni
pas një kërkese drejtuar Universitetit të Tiranës nga
kreu i Muzeut Historik Kombëtar, Moikom Zeqo. Burime
pranë Muzeut, thonë se busti i Nolit, është ndryshe
nga të tjerat. Për herë të parë Noli zbulohet me
veshjen e tij prej peshkopi. Nuk dihet se kur dhe si
ky bust i Nolit peshkop është gjendur në bibliotekën
shkencore pranë Universitetit të Tiranës.
Gjetja e këtij busti, sipas kreut të muzeut, Zeqo,  ka
 rëndësi  të madhe, sepse ndihmon në plotësimin e
nismës që ka marrë ky institucion për të kompletuar
pavionin e Nolit me dëshmi të reja. Me një marrëveshje
zyrtare, midis dy institucioneve u vendos që Noli
peshkop  t'i shtohet  relikeve të tij, të ekspozuara
në pavionin e pagëzuar posaçërisht për të. Deri tani
ky bust ka qenë i panjohur nga historianët. Ndërsa nuk
ka asnjë dëshmi apo emër të ndonjë autori që të
tregojë qoftë edhe vitet se kur daton derdhja e tij.
Nga fondi i i të dhënave dhe i dëshmive që Muzeu ka
marrë përsipër të mbledhë, kanë dalë në dritë edhe
katër botime të vjetra. Kështu, krahas letrave të
mëparshme të minibibliotekës shkencore personale të
Nolit, të ekspozuar në pavion, do të shtohen edhe
librat, të cilët janë "Bibla hebraike". Përveç
hershmërisë së viteve, këta libra paraqesin  interes
të madh për studiuesit, pasi në ta ka shënime
origjinale, të shkruara me dorën e Nolit.
Në vazhdën e ngritjes së këtij këndi në Muze, Zeqo
thotë se do të gjurmojnë ende në të dhëna dhe dëshmi
të tjera të cilat janë në vazhdën  e kësaj ekspozeje
historike.
Ndërkohë, ky pavion ka mbledhur më parë disa veshje
origjinale të Nolit, siç është veshja e arqipeshkvit;
tekstin e meshës së parë ortodokse ,të mbajtur nga
Noli; portretin e tij origjinal si dhe shumë
korrespondenca dhe letërkëmbime të njohura dhe të
panjohura të Nolit me shumë personalitete brenda dhe
jashtë vendit. 
V.Murati
 

__________________________________________________
Do You Yahoo!?
Thousands of Stores.  Millions of Products.  All in one Place.
http://shopping.yahoo.com/