[ALBSA-Info] Klanet mafioze e politike ne shqiperi

[Kreshnik Bejko]

*Ju lutem jepni ide se cilat jane klanet politike rivale ne Shqiperi
me te cilat lidhen ngushte klanet mafioze Hasani e Berisha.*


25 maj 2000 (BBC)

Hetuesit italianë lidhin klanet mafioze shqiptare me grupe politike në 
Shqipëri
    Hetuesit italianë thonë se disa prej klaneve më të fuqishme shqiptare që 
merren me tregëtinë drogës, kanë referentë politikë në Shqipëri dhe se 
veprimtaria e tyre bëhet edhe për arritje objektivash politike të caktuara. 
Krye-prokurori i Barit, Rikardo Dibitonto, thotë se janë dy klane kryesore, 
të cilat  janë në rivalitet të egër me njeri-tjetrin, në bazë edhe të 
rivaliteteve që ekzistojnë midis mbështetësve respektivë politikë.
    "Disa nga klanet më të rrezikshme të mafias shqiptare kanë referentë 
politikë dhe veprojnë edhe për arritjen e objektivave të caktuara politike, 
të cilat neve nuk i kemi ndjekur hollësisht, pasi jemi interesuar më shumë 
për veprimtarinë e drejtpërdrejtë kriminale," tha zoti Dibitonto.
    Korrespondenti i BBC-së në Romë, Ilir Gurakuqi, thotë se policia 
italiane ka arrestuar të hënën e kaluar në qytetin Riçone të Italisë 
kryetarin i njerit prej këtyre klaneve, Lulzim Berisha, i kërkuar që nga 
viti 1994 nga shumë polici evropiane.
    Prokuroria e Barit, në Italinë jugore, që është organi që ka zhvilluar 
vitet e fundit hetimet më të hollësishme mbi kriminalitetin shqiptar që 
vepron edhe në Itali, muajt e fundit ka thënë disa herë se mafia shqiptare 
po bëhet edhe më e rëndësishme se ajo italiane dhe se ajo përbën rrezikun 
kryesor jo vetëm për Italinë, por edhe për Evropën.
    Prokurori i departamentit antimafia të Barit, Xhovani Xhorxhio, i cili 
ka ndjekur drejtpërdrejt hetimet, tha në një konferencë shtypi se dy klanet 
shqiptare më të mëdhenj të politizuar, janë klanet Hasani dhe Berisha, të 
quajtur kështu sipas mbiemrave të atyre që mendohet të jenë kapobandat e 
tyre. Gjithnjë, sipas prokurorit të Barit, këto klane janë në luftë të hapur 
midis tyre si në Shqipëri, ashtu edhe në Itali e Gjermani.
    Disa herë kjo luftë ka lënë rrugës viktima nga të dy palët. Të tjera 
herë Antimafia italiane ka mundur të ndërhyjë në kohë për të shmangur 
atentate reciproke. Në një nga këto ndërhyrje është shmangur një atentat 
kundër atij që,sipas hetuesve, është kryetari i njerit prej klaneve, 
29-vjeçari Berisha, i cili ndiqej nga policitë e gjysmës së Evropës qysh nga 
viti 1994.
    Sipas hetuesve, banda e tij gjatë këtyre viteve ka futur ilegalisht në 
Gjermani të paktën një mije kilogram heroinë, që është edhe nga drogat më të 
kushtueshme.
    Prokurori Xhorxhio tha se lufta me klanin tjetër të fuqishëm nuk ka 
patur si sfond vetëm rivalitetin për tregun e drogës, por i detyrohet edhe 
faktit se ata janë të lidhur me klane politike rivale në Shqipëri. Ai 
refuzoi t'i përgjigjej më hollësisht pyetjeve se për cilat klane politike 
shqiptare e kishte fjalën.


________________________________________________________________________
Get Your Private, Free E-mail from MSN Hotmail at http://www.hotmail.com