[ALBSA-Info] AMC - perseri nga shtypi i opozites

[Agron Alibali]

Rilindja Demokratike
25 maj 2000

Ja çfarë zbulon faqja në internet e kompanisë që do të
zotërojë 85 % të aksioneve të AMC

Cosmote, e krijuar posaçërisht për AMC-në

- Cosmote, kompani e fuqishme greke ku 70 % e zënë
aksionet e kompanisë greke OTE, të krijuara që më 1946
dhe 30 % të TELENOR, aksione të telekomit norvegjez.

- Data e krijimit të kompanisë Cosmote dhe faqes së
saj në internet daton me vitin 1998-1999, vit ku
kishin nisur planet për privatizimin e AMC-së me
tender ndërkombëtar.

- Oferta e Cosmotesë ishte e shoqëruar nga një fletë
garancie që Telenori jepte për të.

- AMC greke, një bingo e Nakos, këshilltarit juridik
të kryeministrit, njeriut që supervizoi proçedurat e
privatizimit të AMC

 

Kosmote, kompania që pretendohet të ketë në pronësi 85
% të aksioneve të AMC-së, është një kompani e sapo
krijuar në Greqi por që sigurisht nga sponsorë të
fuqishëm në fushën e telekomunikacioneve. Në pamjen e
parë Kozmos duket sikur është një kompani shumë u
fuqishme, ndërsa viziton faqen e saj të internetit,
por pikërisht këtë fuqi të saj e bëjnë aksionet e
OTE-së, kompania greke e Telekomit. OTE Helenic
Comunication S.A. Në të gjithë informacionin që
Cosmote ka krijuar për veten nuk shënohet fare
historiku i krijimit të saj, data e themelimit, por
shënohet vetëm që kjo është vetëm një kompani e
fuqishme greke. Por, po të vësh re më vëmendje,
kompania dhe faqja e saj në internet mban të shënuar
datën e krijimit në vitin 1998-1999, madje dhe
prezantimet e saj janë bërë për këtë pjesë vjetore.
Kjo të detyron të mendosh se Cosmote është krijuar
posaçërisht vetëm për të qënë prezente në privatizimin
e AMC-së. Kozmote mban 70 % të aksionevee të OTE-së
dhe 30 % të Telenor, kompani norvegjeze e
telekomunikacionit. COSMOTE - vetë emri mban në
rrënjën e saj emrin e kompanisë së fuqishme greke OTE,
COSM- OTE. Kjo është e vetmja pasaportë me të cilën
ajo e prezanton veten si një kompani e fuqishme. Në
faqen e saj të shërbimit vë re se Cosmote ofron
shërbim me të njëjtat çmime si PANAFON, TELESTET.
Ministria e Ekonomisë Publike dhe e Privatizimit si
dhe ish-këshilltari juridik që supervizoi proçesin e
privatizimit të AMC-së pretendojnë se është kompania
norvegjeze ajo që mund të marrë 85 % të aksioneve,
sepse vetëm kjo kompani sipas tyre ka edhe të drejtën
e menaxhimit të Cosmos në Greqi. Pala shqiptare u hodh
në mbrojtje të kësaj kompanie duke e prezantuar atë si
norvegjeze, ndërkohë që në paraqitjen e ofertave
prezent ishte përfaqësuesi grek dhe dosja e Cosmote
ishte e shoqëruar nga një fletë garancie që kompania
Telenor ia jepte palës greke fuqinë për të bërë
ofertën në emër të saj. Kompani greke shumë e fuqishme
thuhet në internet për Cosmote, ndërkohë që bien
pretendimet e zyrtarëve shqiptarë se janë norvegjezët
ata që kanë shumicën në këtë pazar, sepse vetë harta e
shtrirjes së Cosmote është shumë e vogël, ajo vepron
sipas hartës vetëm në një pjesë të Greqisë. Pra, që të
mos flasim kot dhe në tym, Cosmosin e bën të fuqishme
vetëm investimi i OTE, Helenic Comunication S.A,
kompani e krijuar në Greqi që në vitin 1946.

Bingo e Nakos

Ndërsa kishin mbaruar së hapuri zarfat e Turcell dhe
Panafon, këshilltari juridik i kryeministrit, Sokol
Nako, priste me ankth ofertën e kompanisë greke të
celularëve, Cosmos. Lexohet me shpejtësi letra e
garancisë nga TELENOR dhe me shpejtësi kalohet tek
çmimi. Ishin plot 85. 615 mijë dollarë që kompania
Cosmos kishte ofruar për 85 % të aksioneve të AMC-së.
"Bingo" - kjo ka qënë thirrja që hutoi të gjithë të
pranishmit, të cilët ende nuk kishin marrë vesh çmimin
drithërues. Ishte Sokol Nako që bërtiti me të madhe,
njeriu që negocioi për dhënien e AMC-së tek kompania
greke Cosmos. Por kush është Sokol Nako, i cili është
bërë një nga njerëzit më të rëndësishëm të qeverisë
Meta brenda një viti. Nako ka punuar pak kohë në
Drejtorinë e Rrugëve, më pas ka bërë një specializim
në Amerikë dhe që andej është bërë këshilltari juridik
i ish-ministrit të Ekonomisë dhe Privatizimit, Zef
Preçi. Ardhja e ministrit të ri Mustafa Muçi nuk ka
qënë ndonjë gjëmë e madhe për Nakon, sepse lidhjet e
miqësisë me Mustafa Muçin nuk i mungonin. Madje ka
qënë ky i fundit që i ka hapur rrugë Nakos për të zënë
vendin që la bosh Muçi në Kryeministri. Pasi bëhet
këshilltar juridik i Ilir Metës, Nako merr në dorë
proçedurat e privatizimit të AMC-së. Pasi arrin të
shtyjë kontratën që kompania italiane IMI kishte me
Bankën Botërore për supervizimin e AMC-së, Nako
supervizon më tej në emër të Kryeministrit të gjithë
procesin e AMC-së. Të gjitha këto brenda natyrës së
punës nuk kanë asgjë për t’u shënuar si të dyshimta,
por ajo që bën të dyshosh është nxjerrja jashtë loje
të Telekom Italia dhe Dojçe Telekom, të cilat ishin të
parat nga garën për privatizimin e AMC-së. Partia
Demokratike ka denoncuar prapaskenat e bëra me AMC-në,
ndërkohë që vetë qeveria ka vetëdenoncuar veten duke
fshehur pasaportën e kompanisë që ka dalë në vendin e
parë për blerjen e 85 % të aksioneve të AMC-së, ndërsa
Nako mbetet nyja e kësaj oferte. Ish- këshilltarit
juridik të tij, Meta i ka dhënë për shpërblim vendin e
ministrit të Transporteve, duke hequr qafe të gjitha
përgjegjësitë lidhur me AMC-në. Tashmë ofertat e tre
kompanive do të shqyrtohen nga një grup konsulence në
Kryeministri. Brenda qershorit vendoset fituesi. Por
duket se bingoja i ka rënë Cosmos-it, kompanisë që
është e përbërë nga 70 % e aksioneve të OTE-së,
kompani e fuqishme greke e krijuar në 1946 dhe me 30 %
të aksioneve të kompanisë Telenor, kompani norvegjeze.

Kush ishin tre kompanitë që qëndruan në garë

Cosmote është kompania që ka ofruar vlerën më të lartë
për blerjen e AMC-së (Albania Mobile Comunication),
mes ofertave edhe të dy kompanive të tjera. Kështu
rezultoi pas hapjes publike të zarfave me ofertat e
tre kompanive që kaluan të tre fazat e proçesit të
privatizimit të AMC-së. Ofertat për blerjen e AMC-së u
paraqitën nga kompanitë Panafon, Turcell, Cosmote,
ndërkohë që u tërhoq kompania e Telekom Italia,
kompani që kanë ndjekur të tëra procedurat e procesit
të privatizimit përveç fazës së auditimit. Ofertat i
kanë kaluar më pas Komitetit të Konsulencës e të
Transparencës, ngritur për këtë qëllim. Kështu
kompania Panafon, kompani greke me 51 % aksione
angleze, ofroi 40. 501.151 milionë dollarë, Turcell,
kompani turke me 51 % aksione të një kompanie
finlandeze ofroi 39 milionë dollarë, ndërsa Cosmote
një bashkim kompanish, 70 % greke dhe 30 % norvegjeze,
ofroi 85.6 milionë dollarë. Sipas kritereve të
vlerësimit, 80 % të pikëve i merr kompania që do të
ofrojë çmimin më të lartë, ndërsa 20 % të vlerësimit
do ta marrë plani i investimeve, të aspekteve teknike
dhe juridike të ofertës.

Migen DEMIRXHI

 

Pse iku Telecom Italia . Si ndryshoi minutën e fundit
procedura e vlerësimit për kompaninë që do merrte
AMC-në

 

Meta, Angjeli, Demi e Nano aksionerë në AMC

Fillimisht kompania që pretendonte AMC-në do të
vlerësohej me 40 % të pikëve për çmimin dhe 60.5 të
pikëve do t’i merrte për planet e biznesit dhe
teknollogjisë por më pas ky vendim ndryshoi për të
shmangur Telekom Italia me 20 milion abonentë dhe për
t’ia dhënë kompansië greke Cosmote me 5 milionë
abonentë

 

Meta, Angjeli, Demi dhe Nano aksionerë të AMC-së.
Burime nga Ministria e Ekonomisë dhe Privatizimit
bëjnë të ditur arsyet e largimit të Telecom Italia nga
tenderi për privatizimin e AMC-së. Burimi thekson se
fillimisht procedurat për blerjen e 85 % aksioneve të
AMC-së vlerwsonin se firma që do të fitonte të drejtën
për blerjen AMC-së do të kishte 40 % të vlerësimit në
bazë të çmimit që do të ofronte ndërsa 60 % e
vlerësimit do të merrte për bazë projektet, investimet
dhe plan bizneset që firma do të ofronte për
zhvillimin e mëtejshëm të AMC-së. Pikërisht me këto
kushte Telekom Italia kishte hyrë në tenderin për
blerjen e 85 % të aksioneve të AMC-së por ardhja e
Metës në kryeministri ka ndërruar edhe kushtet e
vlerësimit që janë reduktuar në 80 % të pikëve që do
të merrte çmimi i ofruar ndërsa 20 % plani i biznesit,
investimet, kushtet teknike. Kjo sipas burimit që ka
ndjekur procesin e privatizimit të AMC-së nga fillimi
e deri më sot është bërë me qëllimin e pastër që firma
greke Cosmote të fitonte tenderin në bazë të cmimit të
ofruar.

Por firma megjithëse degë e një kompanie greke OTE që
numëron vetëm 5 milionë abonentë pra praktikisht është
disa herë më e vogël se ajo e Telekom Italia që mbulon
20 milionë abonentë.

Në bashkëpunim me qeveritarët e sotëm dhe falë
kontributit të tyre financiar Cosmote ka arritur të
ofrojë një çmim kaq të lartë për blerjen e AMC-së.
Kështu në këtë kompani kanë derdhur paratë e tyre të
dala nga bizneset e paligjshme Ministri i Financave
Anastas Angjeli, Kryeministri Ilir Meta, dhe Gaz Demi
miku më i afërt i Kryetarit të Partisë Socialiste
Fatos Nano.

 


__________________________________________________
Do You Yahoo!?
Kick off your party with Yahoo! Invites.
http://invites.yahoo.com/