[ALBSA-Info] Nanoja e Meta ne Harvard

[Dardan Labeati]

Pse Nuk Do Të Votoj Për Socialistët

Dardan Labeati

Më 8 maj ndoqa paraqitjen e Fatos Nanos e Ilir Metës
në Shkollën e Udhëheqjes "JFK" të Universitetit të
Harvardit.  Paraqitja e zotërinjve ishte shumë
problematike, sa do të meritonte një libër me kritika,
por në këtë shkrim do të trajtoj vetëm pozicionin e
tyre lidhur me problemin kombëtar shqiptar, si
problemi më i rëndë e urgjent në politikën e tyre
antikombëtare.

Nanoja e Meta u ftuan e u sponsorizuan në këtë
paraqitje nga Programi Kokkalis, një investim grek në
Shkollën e Udhëheqjes "JFK" që iu shit Shkollës si
program ballkanik, por që në fakt nisi, vazhdon, e do
të mbetet, një program grek.  Ndaj, deklaratat e Nanos
dhe Metës i prisja, se afërmendsh do të nderonin
ftuesit e tyre.  Megjithatë, pavarësisht nga
pritshmëria ime, deklaratat e tyre mbeten revoltuese.

Në fund të fjalës së tij, Nanoja theksoi fort se ai
nuk ishte për “Shqipërinë e Madhe.”  E shtjelloi këtë
ide duke sqaruar se “përparimi teknologjik e ka bërë
një fëmijë shqiptar thuajse të barabartë me një fëmijë
amerikan, le më me një fëmijë kosovar.”  Si rrjedhim,
predikon Nanoja, gjithë rajoni do të integrohet në
Evropën e Bashkuar, ndaj kufinjtë le të rrinë aty ku
janë.

Jo, një mijë herë, jo!  Jetojmë në një botë shtetesh
kombëtare.  Të mos harrojmë se kufinjtë tanë nuk i
kemi përcaktuar vetë, por na i ka imponuar bota kur
nuk mund ta ngrinim zërin për të mbrojtur të drejtat
tona.  Ky imponim u bë pas një ndarjeje arbitrare të
zonave të influencës në Ballkan, që më 1913 kënaqi
Serbinë, aleaten e Rusisë, dhe Greqinë, aleaten e
Britanisë së Madhe.  Kemi të drejtë dhe detyrë
historike të përpiqemi të jetojmë të gjithë në një
shtet kombëtar që do të përfshijë të gjitha viset
shqiptare.  Krijimi i një shteti kombëtar shqiptar
mund të sjellë vështirësi afatshkurtra, por në fund të
fundit, një shtet i tillë do të jetë më efektiv nga
ana ekonomike dhe politike në krahasim me një bashkësi
tokash shqiptare të copëtuara në pesë shtete.  

Po i kujtoj të kulturuarit Nano se veç tradhëtisë
kombëtare, po bën edhe një gabim përkufizues.  I
quajmë serbët "serbomëdhenj" e grekët "grekomëdhenj"
se pushtuan e aneksuan toka historikisht,
gjeografikisht e demografikisht shqiptare.  Meqenëse
asnjë nacionalisht shqiptar nuk lakmon toka serbe apo
greke, atëherë nuk mund të quhemi "shqiptaromëdhenj." 
Termi "Shqipëri e Madhe" u krijua nga shovinistët
fqinjë, ndaj nuk është çudi që po përdoret prej një
agjenti e borxhliu të tyre si Nanoja.

Ndërsa i "moderuari" Ilir Meta, i pyetur disa herë për
prezencën e forcave të armatosura greke në Shqipëri, i
revoltuar u përgjigj "Çuditem shumë se si nuk po më
pyet njeri për ushtarët turq!  Se ta dini, kemi edhe
ushtarë turq në Shqipëri!"  Grekët në audiencë
zbardhën dhëmbët.  Zaten, ajo është politika e tyre –
të mbrojnë veprimet e tyre agresive me pretekstet e
balancës strategjike.  Ama, më 1997 ushtria greke
qëndroi gati në kufi të copëtojë Shqipërinë, ndërkohë
që kryeministrja turke, me një deklaratë formale, na
garantoi paprekshmërinë e kufijve.  Të mos
keqkuptohemi, nuk kam iluzione as për bamirësinë
turke, por turqit të paktën nuk kanë pretendime
territoriale ndaj tokave shqiptare.

"O kohëra, o zakone!" bërtiti Terenci para dy mijë
vjetësh.  Pushtetarët e politikanët shqiptarë po çojnë
ujë në mullirin e grekëve e serbëve.  Po, në fund të
fundit, Nanoja, Meta me kompani erdhën në pushtet më
1997 me ndihmën e këtyre shovinistëve fqinjë. Sido që
të vijë puna, ata do të tradhtojnë interesat shqiptare
për hir të padronëve të huaj.  

Vëllezër e motra!  Mos bëni gabim të votoni për këta
tradhëtarë sahanlëpirës!  Le që janë me aftësi
mediokre (ky një vlerësim bujar!), por edhe sikur të
ishin mjaft më të zotët se opozita, varësia e tyre nga
të huajt do të ngrinte më tepër peshë se çdo aftësi e
veçantë e tyre.  Shpëtoni veten e të ardhmen e
fëmijëve tuaj duke mos i zgjedhur sërish socialistët! 
E ata të mos harrojnë, se nëse vazhdojnë të bëjnë
politikën e grekut e të serbit, Shqipërisë nuk i janë
mbaruar Avni Rustemët!  


__________________________________________________
Do You Yahoo!?
Send instant messages & get email alerts with Yahoo! Messenger.
http://im.yahoo.com/