[ALBSA-Info] Fadils university shop (fwd)

[Eriola Kruja]

Note to all:

Please send postings to albsa-info at alb-net.com and NOT to
albsa-info-admin at alb-net.com. The later is to be used only for
administrative requests. 

thanks,
eriola.


---------- Forwarded message ----------
Date: Tue, 20 Jun 2000 14:08:33 GMT
From: sadat shabani <orienti at hotmail.com>
To: alb-muslimstudents at egroups.com
Cc: alb-club at alb-net.com, aLBSA-INFO-ADMIN at alb-net.com
Subject: Fadils university shop

Nga këndi im

                       Fadil’s university shop

Tregon cilin e ke shok do të tregoj se kush je ti, thotë një fjalë e urtë 
popullore, mbase e njëjtë ne të gjithë guhët e botës.
Kjo porosi e urtë vetvetiu imponohet kur merr njeriu t'i analizojw tezat e 
kritikuesve të ndryshëm të kursit politik të PDSH-së.
Kohët e fundit është hapur një front i gjerë kundër PDSH-së, ku mercenarë 
sojesh dhe botkuptimesh të ndryshme, me një orkestrim të dirigjuar mirë e 
kritikojnë PDSH-në dhe drejtuesit e saj duke përdorur gjatë tërë kohës 
argumente të njëjta. Pos kritikave në adresë të PDSH-së këta kritikucë kanë 
edhe një emërues të përbashkët: veprimi në terrenin kosovar, përkatësisht 
kontaminimin e opinionit kosovar.
Pas çlirimit të Kosovës shumë dështakë, demagogë, manipulantë, besa edhe 
deformues të paguar të opinionit publik u bartën në Kosovë, për të vazhduar 
me avazin e vjetër derisa të mos zbulohen kush janë dhe për çka angazhohen. 
Këta persona që kanë shumë pak kredibilitet dhe ndikim në opinionin 
shqiptarë të Maqedonisë, paraqiten në faqet e shtypit kosovar me analizat, 
komentet, komunikatat e tyre plot teza bombastike që krijojnë huti. Ata dinë 
që opinioni kosovar nuk i njeh mirë, ashtu si këtu njihen, prandaj sulmet e 
tyre i nisin nga terreni kosovar, ngaqë po t'i nisnin nga këtu, atëherë s'do 
të kishte asnjë efekt: atyre këtu askush nuk u beson.
Sa më shumë që ata e kritikonin PDSH-në këtu, aq më shumë asaj i rritej 
rejtingu. Prandaj qëllimi i tyre nuk është Maqedonia, ku ata njihen si 
paraja e kuqe, por Kosova ku në mënyrë filigranike punohet që të 
delegjitimohet kredibiliteti i subjekteve politike. Ata duhet t'i bindin 
kosovarët, pjesën më idealiste të kombit shqiptar se nuk vlen të flijohen 
për projektet shqiptare ngaqë kudo që janë shqiptarët, aty janë telashet, 
sharjet, deformimet. Për t'i bindur ata duhet folur për çështjet shqiptare, 
në gjuhën shqipe, qofshin ato edhe të përkthyera nga gjuha serbe, si është 
rasti me atë Iso (me atë "O" sipas vokativit sllav që i zbulon rrënjët) 
Rusi, me Kim Mehmetin që asnjëherë s'ka qenë i ngrohtë për këto çështje, apo 
me atë Milaim Fejzi, ish deputet i parlamentit jugosllav, tash mbrojtës i 
paguar i kauzës private. Se si këta të tre kanë një gjerem të përbashkët, 
një mangësi në vete, njëri sufiks "o" sllav, njeri emrin kozmetik Kim pa 
kurfarë domethënie, tjetri mbiemrin Fejzi, pa sufiksin karakteristik 
shqiptar "u". Ata gjithsesi do të ishin të pavërejtshëm në shoqërinë 
tolerante shqiptare, po të mos ishin mbrojtës kaq të ekspozuar, të 
panatyrshëm të shqiptarizmës nga vetë shqiptarët, po të mos kishin qenë më 
katolikë se Papa. Në këtë varg të kritikucëve hyjnë edhe paradokset e 
natyrës tjetër si bie fjala: i paarsimuar, i pagdhendur prof. dr. Fadil 
Sulejmani e mbron konceptet dhe standardet e tija të arsimit nga ato 
evropiane që i ironizon me emrin e Van der Stulit.
Këta deformues të opinionit publik një kohë të gjatë punojnë që ta bindin 
faktorin e jashtëm madje edhe vetë shqiptarët se ata vetë nuk vlejnë asnjë 
dysh: janë të mallkuar tëjenë të përçarë, të papërgjegjshëm, cuba grabitqar, 
të pakorigjueshëm, anues delirant për veprime kriminogjene.
Këta isoxhinjë se si zunë, ashtu padurueshëm, papritur, kur PDSH-ja i dha 
gjithë ato provime të rënda politike, sidomos ato lidhur me zhvillimet në 
Kosovë, ku ata tash e përhapin helmin dhe rrjetin e tyre, të kumtojnë zëshëm 
se edhe ajo, PDSH-ja na paskësh dështuar. Këtë tezë ata e bluajnë në 
momentin kur rejtingu i partisë u rrit tejmase, sa që aktualisht është parti 
e dytë me forcë politike në tërë Maqedoninë. Kumtimin e tyre ogurzi ata nuk 
e mbështesin me asnjë argu-ment politik, me asnjë sondazh të opinionit, 
madje as me sondazhin privat të tyre, por me etiketime, përkatësisht mesazhe 
që t'i mos i besohet kësaj partie. Këto mesazhe flasin për frikën e tyrejo 
për kredibilitetin, rejtingun e PDSH-së.
Këto skile që i qepen skenës politike shqiptare si usbujza, kundër PDSH-së 
fabrikojnë këto argumente, tashmë të stërpërdorura nga ana e propagandës 
serbe: marksizëm-leninizëm ose, në varësi nga mediumi që përpunohet, 
fundamentalizmin. Në radhët e PDSH-së sipas këtyre pohimeve, ose atyre të 
shërbimeve të kundërzbulimit ende jugosllav të Maqedonisë qenkan futur 
grupet ile-gale të kuqëloshëve marksist-leninist, ose të jeshilëve 
fundamentalistë që dirigjojnë tinzisht me kursin politik të kësaj partie. 
Pra këta të PDSH-së që mbështesin projektet evro-amerikane na qenkan 
anti-perëndimor. Mesazhi -kujdes prej tyre;
-kriminalitet, korrupsion, kontrabandë me cig-are, drogë, reketizëm. 
Mesazhi: të gjithë shqip-tarëtjanë të tillë ose sa më shqiptarë qëje aq më 
devijant je. Prandaj nuk është çudi pse ky argu-ment ngritet sidomos kundër 
atyre grupimeve politike që veprojnë në rrafshin kombëtar. Imagjinoni sa 
tendenca pat deri më tani për njollosjen e UÇK-së. Kohët e fundit me këto 
اalor bëlbëzoi, me një maqedonishte të serbizuar para mediumeve 
maqedonase edhe çobani i rektor-izuar i UT-së, Fadil Sulejmani që 
nënkryetarin e PDSH-së e quajti kapobandit dhe ftoi autoritetet maqednase ta 
zbatojnë ligjin kundër tij. Pra, ky person të denoncon, ta këput davanë dhe 
i fton autoritetet maqedonase ta zbatojnë gjykimin dhe denoncimin e tij;
-veprimin kundër Universitetit të Tetovës duke zbatuar metodën e idealizmit 
jokritik të gjithçkajes brenda UT-së, pa analiza konkrete të dukurive brenda 
dhe njollosjes së gjithçkajes që synon të vë në rregull, të legalizojë, 
njëherësh dhe ta transformojë këtë institucion të fadilizuar të arsimit 
sipëror në gjuhën shqipe. Fillimisht kjo ide për universitet u brumos në 
radhët e që tash e përbëjnë substancën e PDSH-së, pastaj u uzurpua nga 
Sulejmani dhe Fejzi, gjithnjë pa atë "u" karakteristike të shqipes në fund 
dhe për-fundoi si dyqan personal apo grupor i tyre. Po të mos ishte ashtu, 
atëherë ata ne interes të arsimit sipëror në gjuhën shqipe, në interes të 
legalizimit të UT-së, te punës se deritashme, në
interes të transformimit evropian të tij, punë që fundja i pret edhe 
institucionet e tjera të ngjashme do të duhej me të dy duart ta përqafojnë 
projektin e Van der Shtulit, i cili në esencë i përmban të gjitha këto 
aspekte, pos që financohet nga fondet evro-amerikane. Nga goja dhe mendja e 
ndyrë e këtyre konta-minuesve të opinionit kosovar, PDSH-ja që këtë çështje 
e shndërroi në çështje me interes parësor ndërkombëtar, del si anti-UT. Të 
gjitha ata që nga jashtë, LSDM, PPD, që sillnin kushtetuta anti-shqiptare 
apo që dërgonin autoblinda, bul-dozerë apo policë për ta rrënuar UT-në, të 
gjithë ata që nga brenda e rrënonin, e atro-fonin, e fadilizonin UT, duke 
shndërruar në FADIL'S UNIVERSITY SHOP, pra Branko Cërvenkovski, Imer Imeri 
(edhe ky e zvogëlon alfabetin shqip për një germë), Naser Ziberi (edhe ky), 
puthadori zulmëmadh nga komentet e ATSH-së, Mahi Nesimi, të gjithë me një 
gojë flasin kundër projektit të Van der Shtulit, te PDSH-së dhe të qeverisë 
që s'prek njeri, as universitet, as busta të dëshmorëve, as iniciativat e 
tjera qytetare, si bie fjala shoqatën e sapo të regjistruar të ish të 
burgosurve, që sot aspak nuk merret me fatin, risocializimin e anëtarëve të 
vet, por me probleme që s'ka kaçik t'i zgjidhë.
Sot ata të gjithë janë bërë nje jo kundër PDSH-së, se asaj s'kanë ç'i bëjnë, 
as Van der Shtulit, as Evropës, se as atyre s'kanë ç'u bëjnë, por për ta 
kontaminuar hapësirën mentale kosovare, eventualsht të diasporës se mos do 
të fito-jnë copë terren për allishvereshet e tyre.
Kjo është ajo shokëni që trumbeton kundër PDSH-së, por mos të harrojnë ata, 
prej Brankos e deri te Fadili se mulliri i PDSH-së të gjitha ata do t'i 
bluajë me një dorë.
Pra, tregomë kë e ke shokë te tregoi se kush je.

                                                        Menduh Thaçi.
                          Marrur nga FAKTI. E martë, 20. Qershor 2000

________________________________________________________________________
Get Your Private, Free E-mail from MSN Hotmail at http://www.hotmail.com