[ALBSA-Info] Qeveria e greke e do batalionin ne Shqiperi

[Kreshnik Bejko]

Qeveria greke e pakënaqur për largimin e batalionit grek nga Shqipëria
Sipas burimeve të shtypit grek qeveria vendase ka shprehur pakënaqësinë për 
vendimin e parlamentit shqiptar që të mos zgjasë afatin e qëndrimit të një 
batalioni grek që ishte vendosur në Shqipëri në pranverë të 1997-s. Kjo 
pakënaqësi është shprehur në një mbledhje të Këshillit të Ministrave ku, 
sipas gazetës së afërt me qeverinë 'To vima', është hedhur edhe mendimi që 
të vihen kufizime në sasinë e parave që emigrantët shqiptarë të punësuar  në 
Greqi dërgojnë në atdhe. Ndërkohë ditët e fundit është rritur numri i 
refugjatëve shqiptarë në Greqi të kthyer nga policia greke. Zëdhënësi i 
Ministrisë së Jashtme shqiptare, Sokol Gjoka, thotë se autoritetet e Tiranës 
e kanë të vështirë të ndërhyjnë pranë Athinës për uljen e këtij numri pasi 
emigrantët e kthyer janë pa dokumenta. Megjithatë ai thotë se pala shqiptare 
po bën përpjekje që problemi të zgjidhet në mënyrë humane.


________________________________________________________________________
Get Your Private, Free E-mail from MSN Hotmail at http://www.hotmail.com