[ALBSA-Info] Per Banken e Kursimeve

[Agron Alibali]

Angjeli e Cani në interpelancë për privatizimin e
Bankës së Kursimeve
Dy banka greke kandidate për privatizimin

Komisioni parlamentar i Ekonomisë dhe Financave kërkoi
dje, në një
interpelancë parlamentare ministrin e Financave dhe
Guvernatorin e Bankës
lidhur me çështjen e privatizimit të Bankës së
Kursimeve si dhe për fatin e
depozitave bankare të klientëve të saj. Proçesi i
Privatizimit të Bankës
kryesore ku qëndrojnë depozitat e shqiptarëve ka
ngjallur panik në radhët e
klientëve të saj, të cilët kanë vërshuar në sportelet
e kësaj banke për të
tërhequr kursimet e tyre.
Burime nga kjo bankë kanë bërë të ditur se brenda pak
ditësh do të mblidhet
Këshilli Mbikqyrës i Bankës së Kursimeve, i cili do të
vendosë për uljen e
interesave të kësaj banke. Vetëm gjatë vitit të
kaluar, Banka e Kursimeve ka
bërë uljen disa herë të përqindjeve të interesave.
Këto veprime të kësaj
banke duken të ngjashme me veprimet që ndërmorën në
ditët e fundit të
veprimtarisë së tyre, shumë nga firmat e rezultuara
piramida.
Proçesi i privatizimit të Bankës së Kursimeve është i
kontestuar nga shumë
prej ekonomistëve, të cilët nuk shohin as mundësinë më
të vogël për një
privatizim transparent të kësaj banke si dhe për
garantimin e depozitave të
klientëve të saj. Burime nga Banka e Kursimeve bëjnë
të ditur se kandidatët
kryesorë për privatizimin e kësaj banke, janë dy banka
greke. Privatizimi i
Bankës së Kursimeve bëhet në kuadër të privatizimit të
sektorëve strategjik
të ekonomisë. Proçesi i privatizimit të sektorëve
strategjikë të ekonomisë
shqiptare nga pushtetarët aktualë, ka rezultuar si
privatizim që i kanë bërë
këtyre sektorëve, klanet e pushtetit. Por ndryshe nga
shumë sektorë të
tjerë, shqiptarët kanë të drejtë të jenë shumë më të
ndjeshëm lidhur me
proçesin e transparencës së Bankës së Kursimeve. Kjo
pasi në Bankën e
Kursimeve janë depozituar paratë e punës dhe djersës
së tyre, dhe ata nuk
mund të lejojnë që Angjelët, Malajt e të tjerë të
guxojnë të luajnë bixhoz
me paratë e tyre. Kjo është edhe arsyeja që shumë
klientë të Bankës së
Kursimeve kanë vrapuar në sportelet e kësaj banke,
duke tërhequr depozitat e
tyre.

F.J



__________________________________________________
Do You Yahoo!?
Talk to your friends online with Yahoo! Messenger.
http://im.yahoo.com