[ALBSA-Info] ZERI I POPULLIT

[Agron Alibali]

ZERI I POPULLIT
16 janar 2000

Pas çbllokimit te qarkullimit te automjeteve me
patenta shqiptare ne Greqi
 
Sigurimet presin urdhër 
 
Emigrantët u drejtohen gjyqeve per te njohur te
drejten e zhdemtimit 
Lidhur me bllokimin e patentave shqiptare ne Greqi,
pas nderhyrjes se shtetit shqiptar dhe zgjidhjes së
problemit, linjat e autobusëve per ne Selanik dhe
Athinë janë vënë në punë dhe transporti i emigrantëve
vazhdon normalisht. 
Ndersa ben levizjet brenda Greqisë ka patur probleme
te veçuara. Bashkëpunëtorët tanë na njoftojnë se ne
Athinë, policia greke arrestoi Erjon Gjomemen,
emigrant nga Italia, i cili kishte dokumente te
rregullta italiane, por patenta shqiptare
nderkombetare. Bllokimi i makinës e detyroi atë t’i
drejtohej gjykatës, ku falë mbrojtjes se avokatit të
njohur Jorgos Kurrezis, emigranti shqiptar u la i
lirë. Edhe emigranti Janaq Nini iu drejtua gjykatës
pasi iu refuzua zhdemtimi i makinës së demtuar, edhe
pse ishte i siguruar, nderkaq edhe Leonidha Çurrit nuk
iu çdemtua makina nga shoqeria Interland, per shkak të
patentës së tij shqiptare. Mbetet problem njohja e
sigurimeve, pasi te gjitha shoqerite greke nuk
pranojnë të çdemtojnë pronarë që mbajnë patenta
shqiptare, sipas tyre, pa nje urdhër nga Ministria
përkatëse greke. 

--------------------------------------------------------------------------------
 
Na shkruan nga Selaniku bashkepunetori i gazetes sonë,
Aleks Janaqi
 
Ka muaj që ne redaksi vijnë ankesa ne adresë te
qendrimeve dhe të veprimeve te konsullit shqiptar ne
Selanik. Te shumta kanë qënë reagimet sidomos gjatë
fushatës së genocidit serb në Kosovë.
Me kete rast po botojmë shkrimin e z.Aleks Janaqi. 
Jo kështu zoti konsull! 
Hapja e konsullates shqiptare ne qytetin me te madh
pas Athines, Selanik ishte kenaqesia me e madhe per
cdo shqiptar te zones veriore te Greqise. Kjo sepse
krijonte mundesine e plote per te qare nje hall, per
te zgjidhur nje problem, sikur na afronte shumë afër
me shtetin tonë, per nje firme, per nje vule, per nje
shkrese. Askush nga shqiptaret nuk mund te fshehë dot
edhe nje fakt tjeter: kur sheh flamurin tend ne nje
vend te huaj s’ka si te mos ndjehesh ndryshe, sikur ke
prane atdheun, një dorë që të mbron e të pershendet
çdo ditë. Flamuri shqiptar ne ballkonin e asaj godine
ku eshte vendosur konsullata shqiptare, na kujton
atdheun. E megjithatë, flamuri mbetet flamur,
konsullata është diçka tjetër. Ende pa u bërë
inaugurimi i saj, ne oborrin perballe, shihnje radhen
e njerezve që perdite shtoheshin. Rriheshin perdite
shkallet per ne zyren e konsullit. Shumica per halle.
Hallemedhenjeve u duhej te linin punen per nje vule, a
për një shkresë.


Ne adrese te konsullates shqiptare te Selanikut e ne
vecanti te konsullit te pergjitheshem zotit Nikolla
Dhamo e personelit qe ai drejton, jane bere denoncime
e verejtje serioze nga organet e shtypit shqiptar dhe
kanali i televizionit grek ET3 ne emisionin shqip ku
nje grup shqiptaresh emigrante shprehen hapur
indinjaten e tyre per sjelljet dhe veprimet e dyshimta
te ketij konsulli. Ne pergjithesi te gjitha problemet
e ngritura jane mjaft serioze. Ato shkojne deri ne
diskutimin e ndergjegjes, akuzohet per vjedhje te
arkes se shtetit e tani se fundi si trafikant
karburanti. Ne kete shkrim nuk kemi qellim te
analizojme denoncimet që janë bërë,. intervistat e pa
pergjegjesheme per nje dipllomat dhene shtypit,
televizionit, radios, por as mardheniet qe ka vendosur
ai me shoqatat legale shqiptare qe veprojnë ne
Selanik. Por, po ndalemi ne një problem me te cilin
rastesisht jemi njohur e qe me te vertete te indinjon.

Sic eshte bere e njohur nepermjet gazetes KOHA JONE,
me 6 tetor 1999, dhjetra emigrante shqiptare denoncuan
z.Nikolla Dhamo per shumë shkelje. Ne mes të firmave
që nenshkruan ate leter, ishte edhe emri i
intelektualit te njohur Stavri Dajes. Qe nga ky moment
z.konsulli i pergjitheshem i konsullates shqiptare te
Selanikut, filloi hakmarrjen ndaj tij, refuzoi
sherbimin e tij të perkthimit, megjithëse Stavri Daja
është i licensuar prej kohësh, por edhe nje perkthyes
i njohur i veprave të Kadaresë, Kazanzaqit, etj, i
laureuar me disa çmime. “Ismail Kadare te dergon
urimet e tij dhe te shpreh mirenjohjen per punen e
mrekullueshme qe ke bere dhe vazhdon te besh ne
afirmimin e kultures shqiptare aty si dhe per ndjenjen
e mire qe ruan ti per here ndaj popullit tone edhe pse
si perket atij”, i shkruante atij nga Parisi para dy
muajsh Elena Kadare. Por, këto nuk kanë rëndësi për
një konsull, i cili, pasi refuzon sherbimin e z.Daja
pranon dokumente te perkthyera nga nje grua thuajse pa
shkollë. Kjo nuk është vetem një fyerje per nje
intelektual dhe për të gjithë intelektualët tanë, por
edhe për vetë Ministrinë e Jashtme dhe shtetin tonë që
përfaqëson, duke iu dhënë të drejtë të gjithëve atyre
që përditë bertasin “ne nuk kemi shtet”.
Nga ana tjetër, perfaqësuesi i shtetit shqiptar, nje
konsull, ndjek një praktikë fyese dhe poshteruese ndaj
emigrantëve, ndaj nenshtetasve shqiptarë dhe miqve te
Shqipërisë ne zonen e Selanikut. Ne qytetin e
Selanikut, ashtu si ne gjithe Greqine ka mjaft
shqiptare me tituj e grada shkencore, qe japin edhe
mesim ne fakultetet e universiteteve te ketij qyteti.
Ka historiane, artiste, filologë, njerez te shquar
vendas, miq te Shqipërise dhe shqiptareve si mjeku
duararte i mbi njemije zemrave shqiptare, si Z.
Panajotis Spiru, filologu Dhimiter Cumba, gazetare te
mjaft gazetave qe shquhen per trajtime realiste te
problemeve qe kane ne vecanti emigrantet shqiptare
etj. Ashtu siç ka edhe personalitete shqiptare si
kandidati i shkencave historike Refael Lipe apo
artisti i merituar, Tonin Tershana qe bashkë me te
bijen Anilen, beri te dridhet sheshi i madh Aritoteli
nga kenget shqipe te kenduara prej tij. Por të gjithë
këta dhe shumë të tjerë, nuk e njohin deren e
konsullatës shqiptare si intelektualë, si
personalitete, si miq të Shqipërisë, por edhe nëse
ndonje prej tyre ka hyrë në këtë konsullatë, ai ka
hyrë si hallexhi, per të marre nje vulë e për të
paguar... 30 dollarë. 
Emigrantët kanë protestuar disa herë, me letra, me
fakse, me anen e shtypit, por duhet thene se per këtë
mban përgjegjësi dikasteri përkatës, i cili nuk ka
reaguar ndaj veprimeve të papërgjegjshme të një
diplomati dhe zërit të emigrantëve që proteston.
Përgatiti: Frano Caka 

__________________________________________________
Do You Yahoo!?
Talk to your friends online with Yahoo! Messenger.
http://im.yahoo.com