[ALBSA-Info] OKB kritikohet për pazotësi në Kosovë dhe gjetkë

[irma spaho]

>
>OKB kritikohet për pazotësi në Kosovë dhe gjetkë
>
>Isuf Hajrizi (Uashington, 23 gusht, 2000)
>Per gazeten ditore Zeri, Prishtine
>
>Ndërsa afrohet afati i zgjedhjeve lokale në Kosovë, të cilat OKB-ja i
>konsderon si suksesin më të madh të misionit të vet, gjithnjë shtohen
>kritikat kundër organizatës më të madhe në botë për mosefikasitet dhe
>pazotësi.
>    Sulmet kundër UNMIK-ut të udhëhequr nga françezi Bernard Kushner ditëve
>të fundit po vijnë pothuaj nga të gjitha anët.
>    Në njerën anë, të merkurën Rusia e akuzoi administratën e OKB-së në
>Kosovë si të njëanshme duke thënë se UNMIK-u e kishte bërë veshin e 
>shurdhër
>"ndaj dhunës së vazhdueshme kundër Serbëve në protektoratin ndërkombëtar."
>Ministria e jashtme ruse te enjten deklaroi se UNMIK-u nuk ishte në gjendje
>të siguronte kushtet e nevojshme për zgjedhje të lira në Kosovë.  Akuzat e
>Rusisë erdhën pas sulmit me granata të premtën e kaluar me çrast u lëduan
>nëntë fëmijë serbë dhe me rastin e shpërthimit që ndodhi në zyrat e partive
>politike në Prishtinë.
>    Duke u përpjekur që t'ju shmangur sulmeve të tilla, si dhe duke dashur 
>të
>fusë një pykë midis Beogradit dhe serbëve të Kosovës, Kushner -- së pari 
>nga
>shqiptarët por tani edhe nga disa në perëndim -- po portretizohet si tepër
>pro-serb dhe i mllefosur ndaj  shqiptarëve.
>    Për ta mbështetur këtë akuzë ndaj Kushnerit, në shtypin amerikan merret
>shembulli i Afrim Zeqirit, i cili është akuzuar nga serbët për vrasjen e 
>tre
>anëtarëve të komunitetit të tyre.  Shqiptarët kanë dëshmuar se Zeqiri është
>akuzuar pa faj dhe më këtë konkludim është pajtuar edhe gjykatësi finlandez
>në krye të lëndës, Ante Ruotslainen, i cili ka urdhëruar lirimin e Zeqirit
>për mungesë provash.  Mirëpo Kushner, duke shfrytëzuar autoritetin që i
>garanton atij rezoluta 1244, ka urdhëruar mbajtjen e mëtutjeshme në arrest
>të Zeqirit me arsyetimin se ai rrezikon paqën.
>    Në anën tjetër, në shtypin amerikan, pikërisht në gazetën Los Angeles
>Times, edhe serbët në të vetën ankohen në pakompetencën e UNMIK-ut dhe të
>Kushnerit.   Për ta ilustruar akuzën e tyre ata vërsulën kundër gjykatës
>penale të themeluar nga administrata e Kushnerit në Kosovë.  Gjykata
>akuzohet për njëanshmeri sepse në ekipin e saj ka vetëm shqiptarë dhe
>ndërkombëtarë, për vonesën e gjykimit të të pandehurëve, për manipulimin me
>dëshmitarët si dhe për shkeljen "serioze" të të  drejtës për gjykim të
>paanshëm.
>    Serbët, në shtypin perëndimnorë sjellin rastin e një të burgosuri gjoja
>me të meta mendore, Vladimir Vucetic, i akuzuar fillimisht me gjenocid, të
>cilit më vonë një prokuror amerikan ia shdërron akuzën nga "gjenocidi" në
>"rrezikim të publikut."  Serbët thonë se ky person duhet të lirohet nga
>gjykata sepse ai është me të meta mendore.  Edhe serbët edhe shqiptarët,
>sipas LA Times e kanë quajtur gjykatën e Kushnerit si të paaftë dhe të
>padrejtë.
>    OKB-ja është arsyetuar se po bën çmos për ta venë në binarë gjykatën
>kosovare, duke i akuzuar serbët si fajtorë për bojkotimin e kesaj gjykate
>dhe për mungesën e fondeve për mossuksesin e deritashëm të misionit UNMIK 
>në
>drejtim të drejtësisë.
>   Numri total i gjykatësve lokalë dhe prokurorëve në Kosovë është 405, 
>pasi
>që Kushner, në përppjekje e sipër për ta përmirësuar situatën, me datën 9
>gusht emroi edhe 139 gjykatës të vendit.  Në mesin e tyre ka edhe
>minoritarë.
>    Për ta tërhequr vërejtjen nga mossuksesi i tij në Kosovë, Kushner 
>vazhdon
>të ankohet në "dhunën" e shqiptarëve, gjë që ka ndikuar që shqiptarët të
>akuzohen dhe kritikohen për "spastrim etnik" edhe nga perëdimi edhe nga vet
>shqiptarët.
>    Kryeministri shqiptar Ilir Meta në vizitën e tij të fundit në
>Uashingtonin, gjatë një konference shtypi i shoqëruar nga zonja Ollbrajt,
>tha se "qeveria shqiptare i dënon këto akte dhune" të shqiptarëve në 
>Kosovë.
>   Për këtë Meta mori lëvdata nga homologia e tij amerikane.  Ollbrajt e
>përgëzojë disa herë ufhëheqësin e ri shqitar për "drejtimin e shtetit të 
>tij
>kah e ardhmja."  Ajo e quajti kryeministrin 31-vjeçar personin që
>"përfaqëson një brez të ri energjik të shqiptarëve."
>    Akuzat ndaj OKB-së nuk përqëndrohen vetëm në Kosovë.
>    Në një vlerësim të vrazhdë të dështimit të misioneve paqëruajtëse të
>OKB-së nëpër botë, një bord prej dhjetë ekspertëve propozojë që organizata
>duhet të reagojë më me shpejtësi ndaj rasteve urgjente duke zëvëndësuar
>"terotitë idealistike me situatat konkrete."
>    Në një takim këtë javë në Nju Jork, ekspertët nga Amerika, Rusia,
>Britania e Madhe dhe Japonia e kritikuan byrokracinë e OKB-së duke e 
>akuzuar
>atë për mosnjohje të situatave reale ku ajo ka marrë përgjegjësinë për
>ndërtimin e shoqërive demokratike pa u njohur me problemin e vendit.
>    Në një raport prej 58 faqesh të cilin e ka kërkuar Sekretari i
>përgjithshëm i OKB-së Kofi Anan pas misioneve pothuaj të dështuara në
>Ballkan dhe Afrikë, ekspertët e akuzuan organizatën e tyre për mos qenjën 
>në
>gjendje për ta dalluar "agresorin nga viktima."  Rastet më të theksuara të
>kësaj dukurie janë vërejtur në Bosnjë ku OKB asnjëherë nuk qe në gjendje që
>t'i identifikonte serbët dhe Beogradin si agresorë por vazhdonte më
>arsyetimet se "të dy palët mbajnë fajin njësoj."
>    Një politikë e tillë, u ankuan ekspertët e raportit çojë në dështimin e
>misionit të OKB-së në Bosnjë dhe në Sierra Lione.  Ata bën një varg
>rekomandimesh duke përfshirë punësimin e ekspertëve ushtarak në Nju Jork të
>pajisur me mjetet më moderne teknologjike dhe informative.  Në raport nuk
>janë dhënë shifra konkrete se sa do të kushtonin rekomandimet e tyre, por 
>me
>zgjerimin e misioneve të OKB-së në Timorin Lindor, Sierra Leone dhe në
>Kosovë, shpenzimet vjetore të OKB-së janë dyfishuar në 2.2 miliardë dollarë
>në vit.
>    Administrata amerikane e mirëpriti raportin e këtyre ekspertëve duke
>thënë se edhe Uashingtoni ka të njejtat shqetësime rreth punës dhe
>operacioneve të OKB-së në 14 vendet e botës ku ajo funksionon.
>    Pritet që raporti do të jetë temë kryesore e diskutimeve të 100
>udhëheqësve botëror të cilët do të mblidhën në selinë e OKB-së në Nju Jork
>muajin e ardhshëm.
>
>
>
>Ky shkrim mund te ribotohet me kusht qe te theksohet autori dhe revista
>Zeri, Prishtine.
>
>
>
>
>-------------------------- eGroups Sponsor -------------------------~-~>
>How does this life work?
>Courses, consultations and free lectures online.
>http://click.egroups.com/1/8671/8/_/920292/_/967235933/
>---------------------------------------------------------------------_->
>
>Nëse don të çregjistrohesh nga ALBEUROPA, dërgo një Email në:
>
>albeuropa-unsubscribe at egroups.com
>
>
>

________________________________________________________________________
Get Your Private, Free E-mail from MSN Hotmail at http://www.hotmail.com