[ALBSA-Info] Kuksianet s'duan taksa

[Kreshnik Bejko]

Në Kukës ka pasur të shtëna

Kukës, 15 gusht (Kosovapress) - Njoftohet se në Kukës ka pasur të shtëna, 
ndërkohë që policia shqiptare është konfrontuar me tregtarë të vegjël të 
armatosur, për të hapur rrugën që ata kishin bllokuar pranë kufirit me 
Kosovën. Fshatarët e Perbregut kishin bllokuar rrugën tri ditë më parë për 
të protestuar kundër tarifave doganore që atyre u duhet të paguajnë për të 
sjellë një sasi të vogël sendesh ushqimore dhe mallra të tjera nga qyteti i 
afërt kosovar i Prizrenit. Njoftohet gjithashtu se fshatrat përreth kanë 
filluar të përkrahin protestën, duke krijuar bllokime të tjera të rrugës. Po 
ashtu, edhe ndërtesa e policisë lokale në Kukës është sulmuar me armë nga 
një turmë e indinjuar, mirëpo nuk njoftohet për plagosje të rënda gjatë 
konfrontimit.

Kukësi mes kontrabandistëve dhe policisë

Tiranë, 15 gusht (Kosovapress) - Kukësi kalon orë të vështira mes njerëzve 
që policia i quan kriminelë, tregtarë të vetëquajtur dhe policëve, që po 
bëjnë të pamundurën për të hapur aksin rrugor Kukës-Morinë. Ngjarja ka 
filluar të hënën paradite, më 14 gusht, kur disa tregtarë kanë bllokuar këtë 
rrugë, të ndihmuar edhe nga disa banorë të fshatrave përreth qytetit të 
Kukësit. Sipas Ministrisë së Rendit të Shqipërisë, policia e prefekturës së 
rrethit të Kukësit, ka marrë të gjitha masat për të zhbllokuar këtë aks 
rrugor dhe e ka realizuar sot në mëngjes, në orën 10.00. Për ngjarjen e dy 
ditëve të fundit, Zyra e shtypit e Ministrisë së Rendit Publik, deklaron sot 
se policia është e vendosur për të goditur pa hezitim çdo lloj veprimtarie 
kriminale. "Tërheqje prapa përballë presioneve, që mund të vijnë nga grupet 
ose individët kriminelë. Kontrabandistë dhe trafikantë nuk do të ketë",- 
deklarojnë zyrtarë të kësaj ministrie.


________________________________________________________________________
Get Your Private, Free E-mail from MSN Hotmail at http://www.hotmail.com