[ALBSA-Info] KOHA JONE

[aalibali at law.harvard.edu]

Himare, bllokohet anija greke qe merrte rere

Zenepe Luka

Vlore - Ndalohet grabitja e reres nga anija greke. Dje ne mengjes policia e 
Vlores beri bllokimin e anija greke "Camunicy" ndersa do te bente ngarkesen e 
radhes me rere ne plazhin e Himares. Ka qene nje reagim i ashper i drejtuesve 
te distriktit detar per bllokimin e saj pasi anija nuk ka respektuar ligjet e 
detit. Keshtu, eshte futur ne ujrat tona pa vene ne dijeni 24 ore perpara, 
eshte detyre e kapitenerise se Vlores kjo per t'i marre keto sinjale dhe per te 
lajmeruar distriktin, ndersa per te gjitha anijet qe futen ne port perfshi dhe 
ato qe sjellin pasagjere ky rregull zbatohet, ndersa nuk ndodh keshtu me anijen 
greke qe ngarkon rere ne Himare. "Ne do te kerkojme sekuestrimin e anijes pasi 
asnjehere nuk i eshte bindur urdherave tona, nuk na ka treguar as licencen me 
te cilen eshte pajisur dhe qe ngarkon rere ne plazhin e Himares. Por, gjithcka 
ka ndodhur dje per anijen tashme te perfolur pas nje mbledhje urgjente qe eshte 
bere ne prefekturen e Vlores nen drejtimin e prefektit Tare Hamo. Ai ka 
deklaruar mesditen e se martes per "KJ" se ne qender te ketij debati ku merrnin 
pjese dhe perfaqesues te uniformave blu dhe te distriktit detar ka qene 
pikerisht aktiviteti i kesaj anije, por jo vetem i saj. "Ne kemi dy anije greke 
me bashkepronare shqiptare, nje ne Sarande dhe tjetra ne Himare qe jane te 
pajisura me nje licence sipas nje ligji mineral nga drejtoria e pergjithshme e 
minierave dhe Ministria e Transporteve. Ne licencen qe tashme eshte rinovuar ne 
gusht per anijen Camunicy eshte cituar se asaj i vihet ne dispozicion 1.1 km 
katror plazh nga Jalta deri tek Perroi nen Iliaz. Por, ne konstatojme qe keto 
anije pervecse kryejne nje veprim arbitrar ndaj mjedisit tone merren dhe me 
trafik klandestinesh. Keto licenca jane dhene jashte nesh duke mosperfillur 
perfaqesuesit e pushtetit vendor dhe aq me teper banoret vendas qe kane reaguar 
me te vertete ashper, ka thene prefekti Hamo ndersa mesohet qe po dje ai ka 
nisur nje informacion qeverise qe kerkon pezullimin e menjehershem te 
aktivitetit te dy anijeve. Bllokimi i anijes eshte kryer nga uniformat blu te 
Vlores dhe kete e deklaron per "KJ" shefi i komisariatit te policise nenkolonel 
Perparim Muho. Eshte bllokuar nga policia e Himares, thote ai dhe eshte marre 
ne ruajtje deri ne momentin qe te sqarohet plotesisht dokumentacioni i saj. 
Por, duket se anija greke Camunicy qe vjen nga porti i Pireut dhe hyn e del sa 
here te doje ne Himare duke sjelle dhe kurde nuk do ta kete te lehte te fitoje 
lirine e meparshme, kjo per shkak te zemerimit te himarioteve, por dhe 
drejtuesve te pushtetit vendor ne Vlore. Tashme, kerkojne zyrtarisht qe t'u 
hiqet licenca anijeve qe marrin rere nga plazhet e Himares dhe te 
Sarandes. "Shpresojme se kjo do te arrihet", thote nje burim ne prefekture 
megjithese ka zera qe prapa ketyre licencave jane njerez te rendesishem te 
pushtetit aktual.