[AlbClub] FW: Deklarate per Media e Shoqates Atlantiku nga New York-u

[Uk Lushi]

DEKLARATË PËR MEDIA
 
New York 
11 janar, 2008
 

Shoqata Atlantiku me seli ne New York, qe antareson qindra shqiptaro-amerikane dhe veteranet e Batalionit Atlantiku, formacioni ushtarak i cili iu bashkua radheve te Ushtrise Clirimtare te Kosoves ne luften per ndalimin e spastrimit etnik dhe clirimin e Kosoves me 1999, me rastin e rizgjedhjes se institucioneve te reja ne Kosove leshon kete deklarate per media:
 

Kryesia e Shoqates Atlantiku ne mbledhjen e mbajtur me 11 janar 2008 ne Manhattan, New York, pervec tjerash diskutoi edhe ceshtjen e zgjedhjes se Kuvendit, Kryetarit, dhe Qeverise se re te Kosoves. Kryesia shprehu kenaqesi te madhe per transformimin e pushtetit dhe berjen e vendit tone origjinal me institucione te reja dhe vendosi qe permes kesaj deklarate per media te leshoje thirrje publike qe Kuvendi, Presidenti Sejdiu, dhe Kryeministri Thaci me kabinetin e tij te realizojne dhe miratojne vullnetin e qytetareve te Kosoves per shtet te pavarur sa me shpejte.
 
“Eshte e rendesise primare qe 8 vite pas perfundimit te luftes clirimtare- institucionet e reja te Kosoves me ne fund te finalizojne kornizen e shtetit te Kosoves per te cilin jane sakrifikuar me mijera qytetare te Kosoves dhe ushtare te UCK-se,”- tha Uk Lushi, zedhenes i Shoqates Atlantiku. “Institucionet e Kosoves dhe sidomos Qeveria duhet me ne fund te permbyllin shtrimin e bazamentit formal dhe kushtetues te shtetit dhe te fillojne te fokusohen ne themelimin e tregjeve nacionale te kapitalit, gjetjen e menyres te terheqin investime direkte te jashtme dhe te zgjidhin problemet kritike te qytetareve sic jane papunesia, dritat, infrastruktura dhe edukimi.”- perfundoi Lushi.
 
“Shpresojme se organet e reja te pushtetit ne Kosove e kuptojne se marrja e pushtetit eshte obligim sherbyes ndaj qytetareve te Kosoves dhe fenomenet negative te te kaluares si mosfunksionimi i drejtesise dhe korrupsioni do te goditen fuqishem,”- deklaroi Frank Idrizi, kryetar i Shoqates Atlantiku dhe vazhdoi: “Shqiptaro-amerikanet dhe ish-luftetaret e Batalionit Atlantiku u deshirojne pune te mbare dhe suksese Kuvendit, Qeverise dhe Presidentit, por edhe do te percjellin me vemendje permbushjen e obligimeve te tyre perkundrejt qytetareve te Kosoves dhe Diaspores”- perfundoi Idrizi.
_________________________________________________________________
Get the power of Windows + Web with the new Windows Live.
http://www.windowslive.com?ocid=TXT_TAGHM_Wave2_powerofwindows_012008
-------------- next part --------------
HTML attachment scrubbed and removed